ఆంధ్రప్రదేశ్ శాసన మండలి చైర్మన్‌ గా ప్రభుత్వ విప్‌ ఎం.ఎ.షరీఫ్‌ ఏకగ్రీవంగా ఎన్నికయ్యారు. ఈ పదవి కోసం ఒకే ఒక్క నామినేషన్‌దాఖలు కావడంతో షరీఫ్‌ ఏకగ్రీవంగా ఎన్నికైనట్లు మండలి ఇన్‌చార్జి చైర్మన్‌ రెడ్డి సుబ్రహ్మణ్యం గురువారం ప్రకటించారు. అనంతరం సీఎం చంద్రబాబు, ఇతర నేతల సమక్షంలో షరీఫ్‌ బాధ్యతలు స్వీకరించారు.
ఈ సందర్భంగా చంద్రబాబు మాట్లాడుతూ ఫరూక్‌ను మంత్రిగా, షరీఫ్‌ను చైర్మన్‌గా నియమించి మైనార్టీలకు రెండు కీలక పదవులు అప్పగించామని చెప్పారు. షరీఫ్‌ ఆధ్వర్యంలో మండలిలో వ్యవహారాలు సజావుగా సాగాలని ఆకాంక్షించారు.మండలి చైర్మన్‌ షరీఫ్‌ మాట్లాడుతూ ముఖ్యమంత్రి ఇచ్చిన అవకాశాన్ని సద్వినియోగం చేసుకుంటానని తెలిపారు.