ఆంధ్ర ప్రదేశ్‌లో పంచాయతీ ఎన్నికలు జరుగుతున్న విషయం తెలిసిందే. ఇప్పటికే మూడు విడత ఎన్నికలు పూర్తి అయ్యాయి. పంచాయతీ ఎన్నికలైనప్పటికీ…సార్వత్రిక ఎన్నికలను తలపిస్తున్నాయి. ముఖ్యంగా ఈ ఎన్నికల్లో అధికార వైసీపీ, ప్రధాన ప్రతిపక్షం టీడీపీ మధ్య హోరా హోరీగా పోటీ నడుస్తోంది. అయితే.. ఈ ఎన్నికల్లో చిత్ర-విచిత్ర సంఘటనలు బయటపడుతున్నాయి. తాజాగా చిత్తూరు జిల్లా చంద్రగిరి మండలం తొండవాడలో ఓటర్లకు ఏకంగా శ్రీవారి లడ్డూలు పంచుతున్నాడు ఓ సర్పంచ్ అభ్యర్థి. అది కూడా రేషన్‌ పంపిణీ చేసేందుకు ఉపయోగించే వాహనం ద్వారానే కానిచ్చేస్తున్నాడు. వాహనం నిండా లడ్డూల సంచుల్ని వేసుకున్న సర్పంచ్ అభ్యర్థి… SC, STలకు ఐదు లడ్డూల చొప్పున, ఇతర కులాల వారికి పది లడ్డూల చొప్పున పంచుతున్నాడు. ఈ తంతంగాన్ని మొత్తం స్థానిక యువకులు సెల్‌ఫోన్‌ ద్వారా చిత్రీకరించారు. ఈ ఘటనపై సర్పంచ్ అభ్యర్థి నిర్వాకంపై స్థానికంగా తీవ్ర విమర్శలు వెల్లువెత్తుతున్నాయి.
బంపర్‌ ఆఫర్‌.. ఓటర్లకు శ్రీవారి లడ్డు పంపిణీ చేస్తున్న సర్పంచ్ అభ్యర్థి
మేకపోతు గాంభీర్యం ప్రదర్శిస్తున్నాడు: విజయసాయిరెడ్డి