telugu navyamedia
సినిమా వార్తలు

అనుష్క “నిశ్శబ్దం” ఫస్ట్ లుక్ విడుదలకు ముహూర్తం ఖరారు

Silence

హేమంత్ మధుకర్ దర్శక‌త్వంలో అనుష్క, మాధవన్ ప్రధాన పాత్రధారులుగా “నిశ్శబ్దం” అనే చిత్రం రూపొందుతున్న విషయం తెలిసిందే. ప్రముఖ నిర్మాణ సంస్థ‌లు పీపుల్ మీడియా ఫ్యాక్ట‌రీ, కోన ఫిల్మ్ కార్పోరేష‌న్ సంయుక్తంగా ఈ చిత్రాన్ని నిర్మిస్తున్నారు. గోపీ సుంద‌ర్ సంగీతం అందిస్తున్నారు. చిత్ర నిర్మాత‌లు టి.జి.విశ్వ‌ప్ర‌సాద్, వివేక్ కూచిభోట్ల‌, కోన వెంక‌ట్ ఈ చిత్రాన్ని తెలుగు, త‌మిళ్, ఇంగ్లీషు, హిందీతో పాటు మ‌ల‌యాళంలో విడుదల చేసేందుకు సన్నాహాలు చేస్తున్నారు. ఆర్.మాధ‌వ‌న్, అంజ‌లి, మైఖేల్ మ్యాడ‌స‌న్, షాలినీ పాండే, సుబ్బ‌రాజు, శ్రీనివాస అవ‌స‌రాల‌, హంట‌ర్ ఓ హ‌రో కూడా నటిస్తున్నారు. అనుష్క నటిస్తోన్న “నిశ్శబ్ధం” చిత్రాన్ని మిగతా భాషల్లో “సైలెన్స్” పేరుతో విడుదల చేయనున్నారు. ఇటీవలే ఈ సినిమా షూటింగ్ పూర్తయింది. ఈ నేపథ్యంలో ఈ మూవీ ఫస్ట్ లుక్‌ను విడుదల చేసేందుకు చిత్రయూనిట్ సిద్ధమైంది. ఈ నెల 11న ఉదయం 11 గంటల 11 నిమిషాలకు “నిశ్శబ్దం” ఫస్ట్ లుక్‌ను ప్రేక్షకుల ముందుకు తీసుకొస్తున్నట్లు ప్రకటించారు. ఈ లుక్‌కు సంబంధించిన పోస్టర్‌ను కూడా విడుదల చేశారు. సోలో హీరోయిన్‌గా పేరు తెచ్చుకున్న అనుష్క… ఈ సినిమాలో కీలక పాత్ర పోషిస్తుండటంతో మూవీపై అంచనాలు భారీగా ఏర్పడ్డాయి.

Related posts