అక్షయ్ కుమార్ ఈ పేరుకు ప్రత్యేక పరిచయం అక్కర్లేదు. తనదైన నటనతో, ఎప్పటికప్పుడు కొత్త కథలతో అందరిని ఆకట్టుకుంటాడు. ప్రతి సినిమాలో తన మార్క చూపిస్తూ బీటౌన్‌లోని అగ్ర హీరోల్లో ఒకడిగా నిలిచాడు. అయితే అక్షయ్ ఇటీవల చేసిన నూతన చిత్రం ఓటీటీ బాట పట్టనుందట. గతేడాది దీపావళికి అక్షయ్ లక్మీ సినిమాతో ప్రేక్షకుల ముందుకు వచ్చాడు. ఈ సినిమాను హాట్ స్టార్‌లో రిలీజ్ చేశారు. కానీ ఈ సినిమా నుంచి అనుకున్నంత స్పందన అందలేదు. దాని తరువాత నిర్మాతగా భాగమతి సినిమాను తెరకెక్కించాడు. ఇది కూడా నిరాశ పరిచింది. ఈ సినిమాలు నిర్మాణంలో ఉన్నప్పటి నుంచే అక్షయ్ ఓ స్పై థ్రిల్లర్ చేస్తున్న విషయం తెలిసిందే. ఈ సినిమాకు బెల్ బాటమ్ అని పేరును ఖరారు చేశారు. దీనిని దర్శకుడు రంజిత్ తివారి రూపొందిస్తున్నాడు. ఈ సినిమాను ఓటీటీలో విడుదల చేయాలని నిర్మాతలు అమెజాన్ ప్రైమ్‌తో చర్చలు జరపుతున్నారు. ఒకవేళ ఈ చర్చలు పూర్తయితే ఈ సినిమా ఆన్‌లైన్ స్ట్రీమింగ్‌గా విడుదల కానుంది. అమెజాన్ ఇచ్చిన ఆఫర్‌కు సినిమా నిర్మాతలు టెంప్ట్ అయినట్లున్నారు. అయితే ఆఫర్ ఇంకాస్త పెరిగితే బాగుంటుందని వారు ఆశిస్తున్నారు. ఈ సినిమా రిలీజ్‌పై వచ్చే నెల స్పష్టత వచ్చే అవకాశాలు ఉన్నాయి. నిజానికి ఈ సినిమా ఏప్రిల్‌2న విడుదల కావాల్సి ఉంది. కానీ ఇప్పుడు అది జరిగేలా కనిపించడం లేదు. దాంతో ఈ సినిమా ఎప్పుడు ఎందులో విడుదలవుతుందని అభిమానులు వేచి చూస్తున్నారు.
ఓటీటీనే సై అంటున్న మరో స్టార్ హీరో సినిమా
ఈ లాక్‌డౌన్ వనితలను వణికిస్తోంది : వరలక్ష్మి శరత్ కుమార్