తెలుగు సినీ పరిశ్రమకు మలయాళ భామ‌లు పరిచయం కావడం కొత్తేమి కాదు. గ‌తంలో ఆసిన్‌, న‌య‌న‌తార, ప్రియ‌మ‌ణి వంటి వారు ఓ ఊపు ఊపితే ప్ర‌స్తుతం నిత్యామీన‌న్, కీర్తి సురేష్‌, అనుప‌మ, నివేదా థామ‌స్‌, ప్రియా ప్ర‌కాశ్ వారియ‌ర్ త‌దిత‌రులు తెలుగు ప్రేక్ష‌కుల‌ని అల‌రిస్తున్నారు. తాజాగా ఈ లిస్ట్‌లో మరో మలయాళ భామ చేరింది. అన‌ఘ అనే నటి `ఆర్.ఎక్స్.100` ఫేమ్ కార్తికేయ స‌ర‌స‌న `గుణ 369`లో జోడీ క‌డుతున్నారు. ఇందులో గీత అనే పాత్ర‌లో ఆమె న‌టించింది.
త‌మిళ చిత్రం `న‌ట్పే తునై`లో అన‌ఘ న‌టించింది. అందులోని ఆమె న‌ట‌న న‌చ్చి ఈ చిత్రానికి ఎంపిక చేసిన‌ట్టు నిర్మాతలు తెలిపారు. స్ప్రింట్‌ ఫిలిమ్స్‌, జ్ఞాపిక ఎంటర్‌టైన్‌మెంట్స్, ఎస్‌జీ మూవీ మేక‌ర్స్ సంయుక్తంగా నిర్మిస్తున్న చిత్రం `గుణ 369`. అనిల్‌ కడియాల, తిరుమల్‌ రెడ్డి నిర్మాతలు. అర్జున్‌ జంధ్యాల ఈ చిత్రంతో దర్శకుడిగా పరిచయం అవుతున్నారు. ఇప్ప‌టికే షూటింగ్ పూర్తి చేసుకున్న ఈ చిత్రం పోస్ట్ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. త్వ‌ర‌లోనే విడుద‌ల తేదీని ప్ర‌క‌టిస్తాం“ అని చెప్పారు. ఈ చిత్రానికి చైతన్ భరద్వాజ్ సంగీతం అందించారు.
దిశ ఘటనపై పవన్ వ్యాఖ్యలు వక్రీకరణ… కుహనా మేధావులు అంటూ నాగబాబు సమాధానం