బాలీవుడ్ నటుడు సుశాంత్ సింగ్ రాజ్‌పుత్ ఆత్మహత్య కేసు రోజురోజుకూ కీలక మలుపులు తిరుగుతోంది. సుశాంత్ ప్రియురాలు రియా చక్రవర్తిని ముంబై నార్కోటిక్స్ కంట్రోల్ బ్యూరో అధికారులు మంగళవారం అరెస్ట్ చేశారు. మరోవైపు సీబీఐ ఇన్వెస్టిగేషన్‌లో రియాను నిందితురాలుగా చేర్చి విచారణ జరుపుతున్నారు. ఈ నేపథ్యంలో తాజాగా రియా అరెస్ట్‌పై సుశాంత్ మాజీ ప్రేయసి అంకిత లోఖండే స్పందిస్తూ షాకింగ్ కామెంట్స్ చేసింది. ఏదీ దానంతట అదే జరగదని, విధి వల్లే జరుగుతుందని.. నీ చర్యల ద్వారా నీ దురదృష్టాన్ని కొనితెచ్చుకున్నావని అంకిత పేర్కొంది. అదే కర్మ అంటూ రియాను ఉద్దేశిస్తూ తన ఇన్స్‌స్టాగ్రామ్ పేజీలో పోస్ట్ పెట్టి.. ‘జస్టిస్డ్’ అంటూ సింపుల్‌గా ముగించింది. నార్కోటిక్ డ్ర‌గ్స్ అండ్ సైకోట్రాపిక్ స‌బ్‌స్టాన్సెస్ యాక్ట్ (ఎన్‌డీపీఎస్‌) లోని సెక్ష‌న్లు 89(సి), 20(బి), 27(ఎ), 28, 29 కింద రియా చక్రవర్తిని నార్కోటిక్స్ కంట్రోల్ బ్యూరో అధికారులు అరెస్ట్ చేయడం జరిగింది. అరెస్ట్ అనంతరం తమ కస్డడీలోకి తీసుకోవడానికి ముందు రియాకు సియాన్ హాస్పిటల్‌లో వైద్య పరీక్షలు నిర్వహించి కరోనా టెస్ట్ చేశారు. ఈ రిపోర్ట్‌లో నెగెటివ్ అని రావడంతో ఆమెను నార్కోటిక్స్ కార్యాలయానికి తీసుకెళ్లారు. ఆన్‌లైన్ కోర్టు ద్వారా రియాను న్యాయమూర్తి ముందు ప్రవేశపెట్టనున్నారు. ఈ మేరకు రియా అరెస్ట్ తర్వాత అంకిత లోఖండే ఇలా పోస్ట్ పెట్టడం సంచలనంగా మారింది.
రియా అరెస్ట్‌పై సుశాంత్ మాజీ ప్రేయసి అంకిత సెన్సేషనల్ కామెంట్స్…
రోజాపై బండ్ల గణేష్ ఆసక్తికర వ్యాఖ్యలు