వెస్టిండీస్ ఆల్‌రౌండర్. కోల్‌కతా నైట్‌రైడర్స్ విధ్వంసకర ఆటగాడు ఆండ్రూ రస్సెల్ భారత ప్రధాని నరేంద్ర మోదీకి కృతజ్ఞతలు తెలిపాడు. జమైకా దేశానికి కరోనా వ్యాక్సిన్ను అందించడం పట్ల ఈ విండీస్ క్రికెటర్ హర్షం వ్యక్తం చేశాడు. ‘ప్రధాని నరేంద్ర మోదీకి, భారత హై కమిషన్కు నా కృతజ్ఞతలు. వ్యాక్సిన్లు వచ్చేశాయి. మేమంతా చాలా ఉత్సాహంతో ఉన్నాం. ప్రపంచం మళ్లీ సాధారణ స్థితికి చేరుకుంటే చూడాలని ఆశిస్తున్నా. భారత్, జమైకా ఎల్లపుడూ మంచి మిత్రులు, సోదరులు. మీరంతా అక్కడ సురక్షితంగా ఉండాలని కోరుకుంటున్నా.’అని ఆ వీడియోలో రస్సెల్ చెప్పుకొచ్చాడు. అయితే 50 వేల వ్యాక్సిన్లు పంపడం పట్ల ఈ నెల ప్రారంభంలో భారత్కు జమైకా కృతజ్ఞతలు తెలిపింది. “భారత ప్రభుత్వం పంపించిన 50 వేల ఆస్ట్రాజెనికా కరోనా వ్యాక్సిన్లు జమైకా చేరుకున్నాయని తెలపడానికి సంతోషిస్తున్నా. అవసరం ఉన్న సమయంలో మాకు సాయం చేసిన భారత ప్రభుత్వం, ప్రజలకు మా ప్రేమను తెలియజేస్తున్నా” అంటూ ఆ దేశ ప్రధాని ఆండ్రూ హోల్నెస్ ట్వీట్ చేశారు. ఇక ప్రస్తుతం రస్సెల్ వచ్చే నెలలో ప్రారంభం కానున్న ఐపీఎల్ 2021 కి సిద్ధమవుతున్నాడు.
భారత ప్రధానికి థాంక్స్ చెప్పిన విండీస్ క్రికెటర్…
