హాట్ యాంకర్ అనసూయ తాజాగా రవితేజ హీరోగా రాబోతున్న ‘ఖిలాడి’ సినిమాలో అవకాశం దక్కించుకుందని టాక్. రమేష్ వర్మ దర్శకత్వంలో మాస్ మహారాజా రవితేజ ‘ఖిలాడి’గా తన అభిమానులను అలరించబోతున్నారు. ఇటీవలే ఈ సినిమాను అఫీషియల్‌గా ప్రకటించిన చిత్రయూనిట్ ఫస్ట్‌లుక్ పోస్టర్ కూడా రిలీజ్ చేసి సినిమాపై ఆసక్తి రేకెత్తించింది. డా.జయంతిలాల్‌ గడ సమర్పణలో ఏ స్టూడియోస్‌, పెన్‌ స్టూడియోస్‌ పతాకాలపై సత్యనారాయణ కోనేరు నిర్మాణంలో ఈ ‘ఖిలాడి’ మూవీ రూపొందనుంది. రవితేజ కెరీర్‌లో 67వ సినిమాగా ఈ మూవీ ప్రేక్షకుల ముందుకు రాబోతున్న ఈ చిత్రానికి రాక్‌స్టార్‌ దేవి శ్రీ ప్రసాద్‌ సంగీతం అందించనున్నారు. ఈ మూవీ రెగ్యులర్‌ షూటింగ్‌ అతిత్వరలో ప్రారంభం కానుంది.ఈ చిత్రంలో మీనాక్షి చౌదరి, డింపుల్‌ హయతి హీరోయిన్స్‌గా నటిస్తుండగా.. రవితేజ డ్యూయెల్‌ రోల్‌ పోషిస్తున్నారు. అయితే ఇందులో ఓ ప్రత్యేక పాత్ర కోసం అనసూయను తీసుకున్నారని తెలుస్తోంది. అలాగే రవితేజతో ఓ స్పెషల్ సాంగ్‌లో కూడా చిందులేసి మాస్ కిక్కివ్వనుందట ఈ జబర్దస్త్ బ్యూటీ. మరోవైపు ప్రస్తుతం కృష్ణవంశీ దర్శకత్వంలో రూపొందుతున్న ‘రంగమార్తాండ’ సినిమాలో కూడా కీలకపాత్ర పోషిస్తోంది. అనసూయ. మరోవైపు రవితేజ లేటెస్ట్ మూవీ ‘క్రాక్’ విడుదలకు సిద్ధంగా ఉంది.
రవితేజ “ఖిలాడీ”లో అనసూయ
చైతూతో గొడవ నిజం కాదు… : చందూ మొండేటి