లాక్‌డౌన్‌తో ఇంటికే పరిమితమైన బాలీవుడ్ నటుడు అమితాబ్ బచ్చన్ సోషల్ మీడియాలో యాక్టీవ్‌గా ఉంటున్నారు. అటు కరోనాపై ప్రజల్లో అవగాహన పెంచుతూనే.. మరోవైపు తనకి కెరీర్‌కి సంబంధించిన ఫోటోలను షేర్ చేస్తున్నారు. ఆయన నటించిన ‘మహాన్’ అనే సినిమా ఈ రోజుతో 37 ఏళ్లు పూర్తి చేసుకుంది. ఈ సందర్భంగా ఆయన ఆ సినిమాకి సంబంధించిన ఓ ఫన్నీ ఫొటోను సోషల్ మీడియాలో అభిమానులతో పంచుకున్నారు. అంతే కాదు దీనితో పాటు ఓ జోక్‌ని సైతం ఆయన జోడించారు. ‘ప్రజెంట్ జనరేషన్ చాలా మందికి ఎక్కువగా ఫాలోవర్లు ఉంటున్నప్పుడు నీకు ఎందుకు ఉండటం లేదు? బహుశా నువ్వు ఇన్నర్ దుస్తుల్లో ఉన్న ఫొటోలను పోస్ట్ చేయకపోవడమే కారణమంటూ కొంతమంది నాతో అన్నారు. అప్పుడే ఈ ఫొటోను నేను పోస్ట్ చేశా. త్రిపాత్రాభినయం చేసిన ‘మహాన్’ సినిమా విడుదలై నేటికి 37 ఏళ్లయింది’ అని తెలిపారు బిగ్ బి.