హైదరాబాద్ నుంచి ఆంధ్ర ప్రదేశ్ లో అనేక ప్రాంతాలకు వెడుతున్న ప్రైవేట్ బస్సులను లైసెన్స్ పేరుతో రద్దు చెయ్యడంలో
కేసీఆర్ సర్కార్ ప్రమేయం ఉందని తెలుస్తుంది . గత పది రోజుల క్రితం ఆంధ్ర కు వెళ్లే తెలంగాణ ఆర్ . టి .సి బస్సులను ఏప్రిల్ 10 , 11 తేదీల్లో నిలిపివెళ్లాలనే ఆదేశాలు వెళ్లినట్టు విశ్వసనీయంగా తెలిసింది .
11 వతేదీన ఆంధ్ర ప్రదేశ్లో శాసన సభ , పార్లమెంట్ కు ఎన్నికలు జరిగే నేపథ్యంలో జంట నగరాల నుంచి వేలాది మంది తరలి వెడతారు , అలావెళ్లే వారు ఎక్కువ శాతం తెలుగు దేశానికి వోట్ వేస్తారని , అందుకే వారు వెళ్లకుండా ఉండాలనే బస్సులు నడపకూడదని ఆదేశాలు ఇచ్చినట్టు తెలుస్తుంది .
అయితే తెలంగాణ ఆర్ . టి .సి బస్సులను ఆపితే … కావాలని ఆపివేశారని … దీనిని రాజకీయ కుట్రలో భాగంగా అభివర్ణించి కేసీఆర్ ను బద్నాం చెయ్యవచ్చునని భావించారు . అందుకే బాగా అలోచించి దీనికి ప్రత్యామ్నాయంగా ప్రైవేట్ బస్సు లను ఆపివేయాలని ప్లాన్ చేశారు . చివరి నిముషం వరకు దీనిని అత్యంత గోప్యంగా ఉంచారు . దీంతో ప్రైవేట్ బుస్సులులో అయితే సురక్షితంగా గమ్యాలకు చేరుతామని భావించిన ప్రయాణికులు ప్రభుత్వ తీరుతో నివ్వెరపోయారు . ఎలా వెళ్ళాలో తెలియక అయోమయంలో పడిపోయారు .
అలాగే తెలంగాణ లో కూడా ఎన్నికలు జరుగుతున్నాయి కాబట్టి హైదరాబాద్ నుంచి ఆంధ్ర ప్రదేశ్కు వెళ్లే బస్సులను చాలావరకు తెలంగాణ జిల్లాలకు మరలించినట్టు తెలిసింది . ఆంధ్ర ప్రదేశ్ ముఖ్యమంత్రి నారా చంద్ర బాబు నాయుడును మళ్ళీ అధికారంలోకి రాకుండా చెయ్యడానికి తెలంగాణ సర్కారు తెర వెనుక క్రియాశీలకంగా వ్యవహరిస్తుందని చెప్పడానికి ఇంతకంటే ఉదాహరణ అవసరం లేదు . కేసీఆర్ వ్యూహం ఎలా కూడా ఉంటుందా ” అని ఈ వార్త తెలిసిన ప్రజలు ముక్కు మీద వేలు వేసుకుంటున్నారు .
తెలంగాణలో అయిపోయింది…ఏపీలో టీడీపీని బంగాళాఖాతంలో కలపడమే !