స్టార్‌ మా యొక్క అతిపెద్ద రియాల్టీ షో బిగ్‌బాస్‌ సీజన్‌ 4ను మహమ్మారి విజృంభణ వేళలోనూ సెప్టెంబర్‌లో ఆవిష్కరించడంతో పాటుగా ప్రస్తుతం ప్రసారం చేస్తున్నారు. గతంలో విజయవంతంగా మూడు సీజన్‌లు పూర్తి చేసుకున్న ఈ షో తమ సొంత రికార్డులనే అధిగమించి అపూర్వమైన రీతిలో 20+టీవీఆర్‌ (ఎస్‌డీ+హెచ్‌డీ) సాధించడంతో పాటుగా ప్రతి వారం ఆకట్టుకునే ప్రదర్శనతో 4 జీఈసీలలో 42% వాటా (ఎస్‌డీ+హెచ్‌డీ)ను పొందింది. బిగ్‌బాస్‌లాంటి భారీ వేదికను వినియోగించుకుని స్టార్‌ మా ఇప్పుడు తమ ప్రైమ్‌ టైమ్‌ను ప్రతి సంవత్సరం స్ధిరీకరించుకోవడంతో పాటుగా కొన్ని నూతన బ్లాక్‌బస్టర్‌ షోలనూ ఆవిష్కరించింది. ఈ సంవత్సరం సీజన్‌ కూడా విజయవంతం కావడం, ఈ షో పట్ల ప్రేక్షకుల అభిరుచి కారణంగా, స్టార్‌ మా ఇప్పుడు తమ బిగ్‌బాస్‌ షో సమయాన్ని రాత్రి 10 గంటలకు మార్చింది. అదే సమయంలో తమ అతిపెద్ద ఫిక్షన్‌ సీరియల్‌ ‘వదినమ్మ’ను రాత్రి 9.30గంటలకు తీసుకువచ్చింది. దీనితో స్టార్‌ మా ప్రైమ్‌ టైమ్‌ రాత్రి 11 గంటల వరకూ విస్తరించడంతో పాటుగా వీక్షకులకు ప్రతి రోజూ అదనంగా అర్థగంట వినోదం అందుబాటులోకి వస్తుంది.
బిగ్‌బాస్‌ లో ప్రస్తుతం ఆరుగురు పోటీదారులు ఉన్నారు. వీరంతా కూడా ఈ సంవత్సరపు టైటిల్‌ కోసం పోటీపడుతుండటంతో పాటుగా ఆ క్రమంలోనే వీలైనంతగా వినోదాన్నీ అందిస్తున్నారు. విభిన్న నేపథ్యాల నుంచి ఈ పోటీదారులు ఉండటంతో ఈ క్లైమాక్స్‌ ఖచ్చితంగా వీక్షించేందుకు ఆసక్తిగా ఉంటుంది. ఈ సీజన్‌ గురించి హోస్ట్‌ నాగార్జున మాట్లాడుతూ ‘‘ప్రతి వారం కోట్లాదిమందికి వినోదం అందించడం అత్యుత్తమ సంతృప్తిని అందిస్తుంది. అదీ మహమ్మారి విజృంభణ లాంటి కష్టసమయంలో ! బిగ్‌బాస్‌ సీజన్‌ 4 గత రికార్డులను తుడిచిపెట్టేసింది. మరీ ముఖ్యంగా జాతీయస్థాయిలో బిగ్‌బాస్‌ 3 సీజన్‌ సృష్టించిన రికార్డులనూ ఇది అధిగమించింది. 20+ టీవీఆర్‌తో ఇది బిగ్‌బాస్‌ షోలలో అతిపెద్ద ఆవిష్కరణగా నిలిచింది. గతవారం ఏపీ మరియు తెలంగాణాలలో 4 కోట్లకు పైగా వీక్షకులు దీనిని వీక్షించడం ఈ షో పట్ల వారి ప్రేమకు నిదర్శనం. గత 12 వారాలలో జంట రాష్ట్రాలలో దాదాపు 83% మంది వీక్షకులు బిగ్‌బాస్‌ సీజన్‌ 4 వీక్షించారు. ఇది అపూర్వం. ఇప్పుడు మేము అత్యంత ఉత్సాహ పూరితమైన దశలో ప్రవేశించాము. ఈ షో యొక్క ఫైనల్‌ మరింత ఆసక్తిగా ఉండబోతుంది. బిగ్‌బాస్‌ సీజన్‌4 ప్రేక్షకులకు నా హృదయపూర్వక కృతజ్ఞతలు తెలుపుతున్నాను’’ అని అన్నారు.
బిగ్‌బాస్‌ సీజన్‌ 4పై నాగార్జున ఎమోషనల్‌ కామెంట్‌..
