నాలుగేళ్ల కింద 2016లో కేవలం 16 ఏళ్ళ వయసులోనే తమిళ ఇండస్ట్రీకి వచ్చిన యషికా ఆనంద్.. 2018లో బిగ్బాస్ సీజన్ 2తో గుర్తింపు తెచ్చుకుంది. అది జరుగుతున్నపుడే మీటూ క్యాంపెయిన్లో తనతో అసభ్యంగా ప్రవర్తించారని ఓ దర్శకుడిపై ఆరోపణలు చేసి నేషనల్ వైడ్గా పాపులర్ అయింది యషికా ఆనంద్. ఆ తర్వాత బిగ్బాస్లో ఉన్నప్పుడు నటుడు మహత్ రాఘవేంద్రను ప్రేమిస్తున్నట్టు చెప్పి సంచలనం రేపింది. కానీ ఆయన మాత్రం బయటికి వచ్చిన తర్వాత మరో అమ్మాయిని పెళ్లి చేసుకున్నాడు. దాంతో ఇప్పుడు యషిక ఓ నిర్మాత కుమారుడితో ప్రేమలో ఉందని తెలుస్తుంది. తమిళ నిర్మాత, జాతీయ అవార్డు గ్రహీత తంబి రామయ్య కుమారుడు ఉమాపతితో యషికా ఆనంద్ కొన్నాళ్లుగా రిలేషన్లో ఉందని వార్తలు వినిపిస్తున్నాయి. మణియార్ కుటుంబం సినిమాలో కలిసి నటించిన ఈ ఇద్దరు ఆ తర్వాత స్నేహితులుగా మారి.. ఇప్పుడు ప్రేమికులు అయ్యారని తెలుస్తుంది. పైగా ఈ ఇద్దరి ముద్దు వీడియో కూడా సోషల్ మీడియాలో వైరల్ అవుతుందని వార్తలొస్తున్నాయి.
previous post
next post