2019లో ‘మార్షల్’ సినిమాతో ప్రేక్షకుల ముందుకు వచ్చిన శ్రీకాంత్ ఇప్పుడు మరో థ్రిల్లింగ్ మూవీలో నటిస్తున్నారు. ఈ సినిమాకు మెగాస్టార్ చిరంజీవి నటించిన ‘మరణ మృదంగం’ అనే టైటిల్‌నే పెట్టారు. సినిమా త్వరలో విడుదల కాబోతోందని తాజాగా శ్రీకాంత్ ప్రెస్ మీట్ పెట్టి వెల్లడించారు. “మల్టీ కలర్ ఫ్రేమ్స్ బ్యానర్‌పై ‘మరణ మృదంగం’ అనే సినిమా చేశాను. ప్రస్తుతం ఉన్న పరిస్థితిలో అన్నయ్య చిరు టైటిల్‌నే వాడుకున్నాను. అన్నయ్య నటించిన ఈ సినిమాను చాలా సార్లు చూశాను. నాకు చాలా ఇష్టమైన టైటిల్. అదీకాక సినిమా కాన్సెప్ట్‌కు ఈ టైటిల్ యాప్ట్‌గా ఉంటుందని దర్శకుడు, నిర్మాత అనుకున్నారు. వెంకటేష్ అనే కొత్త దర్శకుడు ఈ సినిమాను తీశాడు. అతను చెప్పిన కథ నాకు చాలా నచ్చింది. నేను కూడా ఇప్పుడున్న పరిస్థితుల్లో ఏ కథ చేస్తే బాగుంటుందని అని ఆలోచించి ఒకటికి రెండుసార్లు కథ విని ఓకే చేశాను. మాఫియా, క్రైమ్, థ్రిల్లింగ్ అంశాలు అన్నీ ఉంటాయి. దీంతో రెండు డ్యుయల్ రోల్స్ చేస్తున్నాను. సినిమా ఓపెనింగ్‌కి వచ్చిన అనిల్ రావిపూడి, కోదండరామిరెడ్డికి ధన్యవాదాలు. మాకు ప్రేక్షకుల ఆశీర్వాదాలు కావాలి”’ అని తెలిపారు.
ఈ పరిస్థితిలో అన్నయ్య చిరు టైటిల్ వాడుకుంటున్నా… : శ్రీకాంత్
