అమ్మాయితో అమలాపాల్ లిప్ లాక్… “ఆమె” తెలుగు ట్రైలర్

రత్నకుమార్ దర్శకత్వంలో అమలాపాల్ హీరోయిన్ గా రూపొందుతున్న చిత్రం “ఆమె”. తమిళంలో “ఆడై” టైటిల్ తో చిత్రాన్ని విడుదల చేస్తున్నారు. ఈ సినిమాను వీ స్టూడియోస్ సంస్థ నిర్మిస్తుండగా చరిత చిత్ర, తమ్మారెడ్డి భరద్వాజలు సమర్పకులుగా వ్యవహరిస్తున్నారు.ఇటీవలే ఈ సినిమా టీజర్ విడుదలవ్వగా అందులో నగ్నంగా కన్పించి అందరికీ షాకిచ్చింది అమలాపాల్. ఇక టీజర్ విషయానికొస్తే ఆద్యంతం ఆసక్తికరంగా సాగుతూ వీక్షకుల్ని ఆకట్టుకుంది. ప్రముఖులు సైతం సినిమా టీజర్ పై ప్రశంసలు కురిపించారు. టీజర్ విడుదలైన కొన్ని గంటల్లోనే మిలియన్ల వ్యూస్ రాబట్టింది. తాజాగా ఈ సినిమా తెలుగు ట్రైల‌ర్‌ను చిత్ర యూనిట్ విడుద‌ల చేసింది. ఇందులో అమలాపాల్ మందు తాగుతూ, సిగరెట్ కాలుస్తూ లిప్ లాక్ చేస్తూ చాలా బోల్డ్ గా కనిపించింది. సినిమాల్లో లిప్ లాక్స్ కామనే అయినప్పటికీ అమలాపాల్ తన సహనటి వీజే రమ్యని ముద్దుపెట్టుకోవడం చర్చకు దారి తీసింది. ట్రైలర్ లో ఈ సన్నివేశాన్ని పట్టిపట్టి చూస్తే కాని కనిపించదు. అయితే నెటిజన్లు మాత్రం ఆ సీన్ ను స్క్రీన్ షాట్స్ తీసి మరీ వైరల్ చేస్తున్నారు. సినిమాపై భారీ అంచ‌నాలు నెల‌కొన్నాయి. తెలుగు, త‌మిళంలో ఈ సినిమాను జూలై 19న సినిమాను విడుద‌ల చేయ‌డానికి స‌న్నాహాలు చేస్తున్నారు. మీరు కూడా ఈ ట్రైలర్ ను వీక్షించండి.