“సెవెన్ 7” రొమాంటిక్ థ్రిల్లర్ ట్రైలర్

హవీష్ హీరోగా నిజార్ షఫీ దర్శకత్వంలో కిరణ్ స్టూడియోస్ పతాకంపై రమేష్ వర్మ ప్రొడ‌క్ష‌న్‌లో రమేష్ వర్మ నిర్మించిన డిఫరెంట్ రొమాంటిక్ థ్రిల్లర్ ‘సెవెన్’. రెజీనా, నందితా శ్వేత, అనీషా ఆంబ్రోస్, త్రిధా చౌదరి, అదితి ఆర్య, పూజితా పొన్నాడ హీరోయిన్స్ . రహమాన్, సుంకర లక్ష్మి ప్రధాన పాత్రలు పోషించారు. ఈ సినిమా షూటింగ్ పూర్తయింది. ప్రస్తుతం నిర్మాణాంతర కార్యక్రమాలు జరుగుతున్నాయి. క్రైమ్‌, థ్రిల్లర్‌ కథాంశంతో తెరకెక్కిన ఈ చిత్ర ట్రైలర్‌ను తాజాగా విడుదల చేశారు చిత్రబృందం. ఈ ట్రైలర్ లో “ప్రేమ, పెళ్లి పేరుతో పలువురు యువతులను మోసం చేసి పారిపోయిన కార్తీక్‌ కోసం పోలీసులు గాలిస్తున్నారు” అన్న మాటలతో ప్రారంభమైన ట్రైలర్‌ ఆద్యంతం ఉత్కంఠగా సాగింది. కార్తీక్‌ ఒక్కడేనా, లేక ఇద్దరా? ఆ అమ్మాయిలను మోసం చేసి పారిపోయిందెవరు? అనే పాయింట్ ని హైలెట్ చేశారు. మీరు కూడా ఈ ట్రైలర్ ను వీక్షించండి.