అగ్ని ప్రమాదాలు ఈ మధ్య కాలంలో విపరీతంగా చోటు చేసుకుంటున‌్నాయి. తాజాగా.. రష్యా దేశంలోని ఓ వృద్ధాశ్రమం లో జరిగిని అగ్ని ప్రమాదంలో ఏకంగా 11 మంది మృతి చెందారు. బాష్‌ కోర్టొస్టాన్‌ ప్రాంతంలోని ఉరల్‌ పర్వత శ్రేణుల్లో ఉన్న ఓ వృద్ధాశ్రమంలో ఈ దుర్ఘటన జరిగింది. తెల్లవారు జామున 3 గంటలకు ఆ ఆశ్రమంలో భారీగా మంటలు వ్యాపించాయి. ఈ మంటలు సుమారు మూడు నుంచి నాలుగు గంటల పాటు చెలరేగాయి. అయితే.. ఆ హౌమ్‌లో ఉన్న వారంతా వృద్ధులు కావడంతో అగ్ని ప్రమాదం నుంచి తప్పించుకోలేకపోయారు. దీంతో ఆ వృద్ధులు మంటల్లో బలయ్యారు. ఆ వృద్ధాశ్రమంలో కేవలం నలుగురు మాత్రమే ప్రాణాలతో బయటపడినట్లు రష్యా ఏజెన్సీ ప్రకటించింది. ఈ ఘటన పట్ల విచారణ మొదలు పెట్టినట్లు రష్యా అధికారులు పేర్కొన్నారు. కాగా.. పురాతన భవనాలు, భద్రతా ప్రమాణాలు సరిగా పాటించకపోవడంతో రష్యాలో తరచూ నివాస సముదాయాల్లో ఇలాంటి అగ్ని ప్రమాదాలు జరుగుతుంటాయి.
ఘోర అగ్ని ప్రమాదం : 11 మంది మృతి
అన్ని ప్రాంతాలకు పులివెందుల గ్యాంగులు: బుచ్చయ్య చౌదరి