ముఖ్యమంత్రి కేసీఆర్తో ఝార్ఖండ్ సీఎం హేమంత్ భేటీ అయ్యారు. తన తల్లి వైద్యం కోసం హేమంత్ సోరెన్ కుటుంబసభ్యులతో కలిసి ఇవాళ హైదరాబాద్ కు వచ్చారు. ఈ సంద‌ర్భంగా సాయంత్రం తెలంగాణ ప్రగతిభవన్లో సీఎం కేసీఆర్తో సమావేశమయ్యారు.
జాతీయ రాజకీయాలు, కేంద్ర ప్రభుత్వ వైఖరి సహా ఇతర అంశాలపై ఇద్దరు నేతలు చర్చిస్తున్నట్లుగా తెలుస్తోంది. గత కొంతకాలంగా ఎన్డీయేతర పార్టీలతో సీఎం కేసీఆర్ చర్చలు జరుపుతున్న సంగతి తెలిసిందే .
ఇటీవల రాంచీ వెళ్లిన సీఎం కేసీఆర్… గాల్వాన్ లోయలో మరణించిన ఝార్ఖండ్కు చెందిన సైనికుల కుటుంబాలకు రాష్ట్ర ప్రభుత్వం తరఫున ఆర్థికసాయం అందించారు. దేశ పరిస్థితులు, రాజకీయాలు సహా ఇతర అంశాలపై చర్చించారు. తాజాగా మరోమారు ఇరువురు ముఖ్యమంత్రులు హైదరాబాద్ వేదికగా భేటీ అయ్యారు.