తమ కార్యాచరణ ప్రణాళికలో భాగంగా వచ్చేనెల ఏడో తేదీ నుంచి నిరవధిక సమ్మెకు దిగుతామని ఏపీ ప్రభుత్వ ఉద్యోగుల సంఘం జేఏసీ అమరావతి ఛైర్మన్ బొప్పరాజు ప్రటించారు. ప్రభుత్వ ఉద్యోగులను భయపెట్టేందుకు తమపై ఎస్మా ప్రయోగిస్తామని హెచ్చరికలు చేస్తుందని, ఇలాంటి ఎస్మా, ఉప్మాలకు భయపడే ప్రసక్తేలేదని ఆయన స్పష్టం చేశారు. ఆదివారం శ్రీకాకుళం ఎన్జీవో హోం వద్ద జరిగిన రిలే నిరాహారదీక్షా శిబిరంలో ఆయన పాల్గొన్నారు. ఈ సందర్భంగా అక్కడ దీక్ష చేస్తున్న ఉద్యోగులకు సంఘీభావం తెలిపారు.
ఉద్యోగుల రివర్స్ నడక
ప్రభుత్వం చర్చలకు పిలుస్తున్నప్పటికీ వారు ఏమాత్రం తగ్గడం లేదు. ఈ నేపథ్యంలో ఆదివారం ఉద్యోగులు రివర్స్‌గా నడిచి వినూత్నంగా నిరసన వ్యక్తం చేశారు.
ఆంధ్రప్రదేశ్ రాష్ట్ర ప్రభుత్వం ప్రకటించిన పీఆర్సీ పట్ల ఆ రాష్ట్ర ప్రభుత్వ ఉద్యోగులు తీవ్ర ఆగ్రహం వ్యక్తం చేస్తూ ఆందోళనా కార్యక్రమాలకు దిగారు. గత కొన్ని రోజులుగా వివిధ రకాలైన నిరసన కార్యక్రమాలు చేస్తున్నారు.
ముఖ్యమంత్రి జగన్ సారథ్యంలోని వైకాపా ప్రభుత్వం రివర్స్ పీఆర్సీ ఇచ్చిందంటూ గుంటూరులో ఉద్యోగులు వెనక్కి నడుస్తూ ఆందోళన వ్యక్తం చేశారు. గుంటూరు కలెక్టరేట్ వద్ద జరిగిన ఆందోళలో జనవరి నెలకు సంబంధించి తమకు పాత వేతనాలే ఇవ్వాలంటూ వారు డిమాండ్ చేశారు.
ఏపీ ప్రభుత్వం ప్రకటించిన పీఆర్సీతో ఉద్యోగులు తీవ్ర అసహనం వ్యక్తం చేస్తున్నారు. పీఆర్సీ సాధన సమితి నేత వెంకట్రామిరెడ్డి మాట్లాడుతూ, ప్రభుత్వం అనుసరిస్తున్న తీరును ఆయన తీవ్రంగా మండిపడ్డారు.
టీడీపీ హయాంలో ఇళ్లు ఇవ్వడానికి కూడా లంచాలు: మంత్రి వెల్లంపల్లి