రికార్డ్స్ బ్రేక్ చేస్తున్న “బిగ్ బాస్-4”

వరల్డ్ బిగ్గెస్ట్ రియాలిటీ షో “బిగ్ బాస్-4″సందడి ప్రారంభమైంది. మొదట అంతగా ఆకట్టుకోకపోయినా వారం ముగిసేసరికి ఊపందుకొని ప్రేక్షకాదరణ పొందింది బిగ్ బాస్ 4. దీంతో ఈ షో రేటింగ్స్ ఎలా ఉన్నాయనే ఆసక్తి నెలకొంది జనాల్లో. ఈ నేపథ్యంలో తాజాగా బిగ్ బాస్ 4 రేటింగ్స్ తెలుపుతూ అఫీషియల్ అనౌన్స్‌మెంట్ ఇచ్చారు బిగ్ బాస్. నాలుగో సీజన్ ప్రారంభ వేడుకలకు 18.5 టీఆర్పీ రేటింగ్ వచ్చిందని తెలిపారు. బిగ్ బాస్ ఫస్ట్ డే టిఆర్పీ పరంగా చూస్తే ఇది రికార్డు అనే చెప్పుకోవాలి. గతంలో ఏ సీజన్ ఫస్ట్ ఎపిసోడ్‌కు ఇంత రేటింగ్ రాలేదు. ఎన్టీఆర్ హోస్ట్‌గా వచ్చిన మొదటి సీజన్‌‌కి 16.18 రేటింగ్ రాగా.. నాని హెస్ట్ చేసిన రెండో సీజన్‌ 15.05 రేటింగ్ సొంతం చేసుకుంది. ఇక నాగార్జున రంగంలోకి దిగి మూడో సీజన్‌కు 17.9 రేటింగ్ రాబట్టారు. ఇప్పుడు దాన్ని మించి నాలుగో సీజన్‌లో చరిత్ర తిరగ రాశారు. తొలి రోజు బిగ్ బాస్‌ని 4.5 కోట్ల మంది వీక్షించారని, ప్రతి ముగ్గురిలో ఇద్దరి కన్ను ఇక్కడే పడిందని పేర్కొంటూ కొత్త పోస్టర్ రిలీజ్ చేశారు. ఈ పోస్టర్ ట్విట్టర్ వేదికగా పంచుకున్న హోస్ట్ నాగార్జున.. ట్విట్టర్ ద్వారా తన సంతోషాన్ని వ్యక్తం చేశారు. మీ అందిరి ప్రేమకు ధన్యవాదాలు అంటూ గర్వంగా ట్వీట్ పెట్టారు.