సుకుమార్, స్టైలిష్ స్టార్ అల్లు అర్జున్ కాంబినేషన్లో తెరకెక్కుతున్న చిత్రం ‘పుష్ప’. ఇటీవల విడుదలైన ‘పుష్ప’ ఫస్ట్ లుక్ అభిమానులను విపరీతంగా ఆకట్టుకుంది. ఈ సినిమాలో బన్నీ గంధపు చెక్కల స్మగ్లర్గా కనిపించనున్నారు. ఇదిలా ఉంటే, ఈ సినిమాలో ఒక కీలక పాత్ర కోసం తమిళ స్టార్, మక్కల్ సెల్వన్ విజయ్ సేతుపతిని తీసుకున్న విషయం తెలిసిందే. అయితే, ఇప్పుడు ఈ సినిమా నుంచి ఆయన తప్పుకున్నట్టు సమాచారం. డేట్లు సర్దుబాటు కాకపోవడమే దీనికి కారణం అంటున్నారు. కరోనా వైరస్ విజృంభించడంతో దేశ వ్యాప్తంగా లాక్డౌన్ విధించిన విషయం తెలిసిందే. దీని వల్ల సినిమా షూటింగ్లన్నీ ఆగిపోయాయి. వాటిలో ‘పుష్ప’ కూడా ఉంది. మళ్లీ ఈ సినిమా షూటింగ్ ఎప్పుడు మొదలవుతుందో తెలీదు. అందుకే, తాను ఇక డేట్లు సర్దుబాటు చేయలేనని, ఈ ప్రాజెక్ట్ నుంచి తప్పుకుంటున్నానని సుకుమార్కు విజయ్ సేతుపతి చెప్పేశారట. అయితే, విజయ్ సేతుపతి పాత్రలో కచ్చితంగా ఒక తమిళ నటుడినే పెట్టాలని సుకుమార్ ఫిక్స్ అయ్యారని సమాచారం.
‘పుష్ప’ నుంచి తప్పుకున్న విజయ్ సేతుపతి!
