ప్రస్తుతం సోషల్ మీడియాలో “బాటిల్ క్యాప్ ఛాలెంజ్” వైరల్ అవుతోంది. కికీ ఛాలెంజ్, ఐస్ బకెట్ ఛాలెంజ్ అంటూ రకరకాల ఛాలెంజ్‌లు యూత్‌ని ఉర్రూతలూగించాయి. ఇప్పుడు ఈ కొత్త ఛాలెంజ్ యూత్ ను అట్ట్రాక్ట్ చేస్తోంది. ఈ ఛాలెంజ్ లక్ష్యం ఏంటంటే ఓ టేబుల్‌పై బాటిల్‌ను పెట్టి, దానికి కొద్ది దూరంలో నిలబడి మూతను బాటిల్ కింద పడకుండా తన్నాలి. తాజాగా బాలీవుడ్ హీరో అక్షయ్ కుమార్ ఈ ఛాలెంజ్ లో సక్సెస్ అయ్యానంటూ వీడియో పోస్ట్ చేశారు. దీంతో ప్రముఖులతో పాటు యూత్ కూడా ఈ ఛాలెంజ్ ను స్వీకరిస్తున్నారు. ప్రపంచవ్యాప్తంగా ట్రెండింగ్ అవుతోన్న ఈ ఛాలెంజ్ ను తాజాగా డాషింగ్ ఆల్ రౌండర్ యువరాజ్ సింగ్ క్రికెట్ బ్యాట్ తో ఓ షాట్ కొట్టి పూర్తి చేశాడు. దీనికి సంబంధించిన వీడియోని యువరాజ్ తన ట్విట్టర్ అకౌంట్ లో పోస్టు చేశాడు. యువీ ఓ టెన్నిస్ బంతిని షాట్ ఆడగానే, ఆ బంతి ఎదురుగా ఉన్న మంచినీళ్ల సీసాకు తగలడం, ఆ సీసా మూత గాల్లోకి లేవడం వీడియోలో చూడొచ్చు. అంతేకాకుండా ఓ లెఫ్ట్ హ్యాండర్ గా ఇతర లెఫ్ట్ హ్యాండర్లకు సవాల్ విసురుతున్నానంటూ బ్రియాన్ లారా, శిఖర్ ధావన్, క్రిస్ గేల్, సచిన్ టెండూల్కర్ లను యువరాజ్ ఈ ఛాలెంజ్ కు నామినేట్ చేశాడు. సచిన్ ఆటలో కుడిచేతివాటమే అయినప్పటికీ స్వతహాగా లెఫ్ట్ హ్యాండర్ కావడంతో సచిన్ ను కూడా నామినేట్ చేశాడు యూవీ .
Here’s my version of the #bottlecapchallenge . The challenge goes out to @BrianLara @SDhawan25 @henrygayle and @sachin_rt who has to take this challenge as a left hander 😎 pic.twitter.com/fdZXSUEXJb
— yuvraj singh (@YUVSTRONG12) July 8, 2019