నా ఆంతరంగం యొక్క
వ్యావహారిక భావజాలాన్ని
మెరుగుపరచి
నా వ్యక్తిగత వ్యవస్థ ను మార్చి
ప్రేమోత్సాహ భరిత ఆకాంక్ష ను
రగిల్చిన “ఎవరివి నీవు “
ప్రేమ భావాల గీతికలను
రాగయుక్తంగా ఆలపిస్తూ
ఆకర్షిత ఆమోద యోగ్యమైన
పరిపక్వతలో ప్రేమోదయ
భావ వ్యక్తీకరణను ఏర్పరచి
సముచిత యోచనలు
కలిగిస్తున్న “ఎవరివి నీవు “
నా మదిని మలచి
కోర్కెల ఝరిని అందు రంగరించి
మోడుబారిన జీవిత వ్యధలకు
అవకాశాల దుప్పటి కప్పి
అంగలార్పులు అవమానాలు లేని
ఆనంద కర జీవితాన్ని
ఆవిష్కరించిన “ఎవరివి నీవు “
-పాపారావు, ముత్తనపల్లి