గుంటూరు జిల్లా దాచేపల్లి మండలంలోని తంగేడలో వైసీపీ కార్యకర్తలు రెచ్చిపోయారు. తంగేడలో టీడీపీకి చెందిన బత్తుల సుబ్బమ్మ, నరసింహారావు మధ్య స్థల వివాదం నడుస్తోంది. గతంలో ఈ ఇద్దరి మధ్య సమస్యను గ్రామ పెద్దలు పరిష్కరించారు. గతంలో ఆ స్థలం సుబ్బమ్మకే చెందుతుందని గ్రామ పెద్దలు తేల్చి చెప్పారు.
అయితే వైసీపీ అధికారంలోకి వచ్చిన వెంటనే ఈ వివాదం మరొసారి తెరపైకి వచ్చింది. నరసింహారావు అనుచరులు సుబ్బమ్మపై దాడి చేసి.. ఆ ఇంటి ప్రహరీ గోడను కూల్చివేశారు. తర్వాత ఆమెతో పురుగుల మందు తాగించారు. ప్రస్తుతం బాధితురాలు గురజాల ప్రభుత్వ ఆస్పత్రిలో చికిత్స పొందుతోంది.