తమిళ నటుడు విజయ్ దీపావళికి బాక్స్ ఆఫీస్ వద్ద బరిలోకి దిగాల్సిందే అంటున్నాడు. ఇళయ దళపతి విజయ్ సినిమా అంటే తమిళనాడు మొత్తం షేక్ అవ్వాల్సిందే. అసలే వరుస హిట్లతో బాక్సాఫీస్ మీద దాడి చేస్తూ ఆకలిని తీర్చుకుంటున్నాడు. తేరి, మెర్సల్, సర్కార్ వేటికవే రికార్డులను తిరగ రాస్తుండగా మరో సారి వాటిని బద్దలుకొట్టేందుకు రెడీ అయ్యాడు. అట్లీ డైరెక్షన్‌లో ఇప్పటికే పోలీస్ ఆఫీసర్‌గా, డాక్టర్‌గా చేసిన విజయ్ ప్రస్తుతం ఫుట్‌బాల్ కోచ్‌గా మారిపోయాడు. అదొక్కటే ఉంటే దళపతి అభిమానులకు ఇచ్చే ట్రీట్ ఏముంటుంది? అందుకే మరో క్యారెక్టర్‌ను క్రియేట్ చేశాడు. ఒకటి కొంచెం క్లాస్‌గా కనిపించేలా మరొకటి ఊర మాస్ క్యారెక్టర్ ఇలా విజయ్ ఫ్యాన్స్‌ను ఆకట్టుకునేందుకు రెడీ అయ్యాడు.
వైరల్‌గా మారిన బిగిల్ ట్రైలర్ ఫుట్‌బాల్ కోచ్‌గా, ప్లేయర్‌గా బిగిల్ అదరగొట్టేసినట్లు కనిపిస్తోంది. ఇక యాక్షన్ సీన్స్‌ అయితే పీక్స్‌లో ఉన్నట్లు అర్థమవుతోంది. నయన్‌తో రొమాన్స్, యోగిబాబు కామెడీ, ఎమోషన్స్ ఇలా అన్నింటిని కలిపి వడ్డించినట్లుంది. వీటన్నింటితో పాటు ఆడవారి గురించి మంచి సందేశం ఉన్నట్లు కనిపిస్తోంది.దీపావళికి విజయ్ అభిమానులు అసలైన పండుగను చూస్తారు. ట్రైలర్ చివర్లో పేలినట్టు థియేటర్లు కూడా అభిమానులు అరిచే అరుపులతో పేలిపోవాల్సిందేనేమో. తమిళంతో పాటు ఈ చిత్రాన్ని అదే రోజును తెలుగులో కూడా విడుదల చేసేందుకు ప్లాన్ చేస్తున్నట్లు తెలుస్తోంది. విజిల్ టైటిల్‌తో రాబోతోన్న ఈ మూవీ ఇక్కడి ప్రేక్షకులను ఆకట్టుకుంటుందా లేదా అనే ఉహాగాణాలకు తెరదించి సూపర్ హిట్ కొట్టాలని ఆశిద్దాం.
తెలంగాణలో బీజేపీ కార్యకర్తలపై దాడులు: ఎంపీ బండి సంజయ్