క్రేజీ స్టార్ విజయ్ దేవరకొండ కథానాయకుడిగా పూరి జగన్నాథ్ దర్శకత్వం లో పాన్ ఇండియన్ చిత్రం రూపొందుతున్న సంగతి తెలిసిందే. ఛార్మీ కౌర్, కరణ్ జోహార్తో కలిసి పూరి నిర్మిస్తున్న ఈ సినిమా టైటిల్ మారిందని టాక్. ఈ చిత్రానికి తొలుత ‘ఫైటర్’ టైటిల్ ఖాయం చేశారు. తెలుగుతో పాటు హిందీ, తమిళం, మలయాళం తదితర భాషల్లో చిత్రాన్ని విడుదల చేయడానికి సన్నాహాలు చేస్తున్నారు. రెండు భాషల్లో ఈ టైటిల్ దొరకలేదట. అయితే… తాజాగా ఈ సినిమా నుంచి మరో అప్టేట్ వచ్చింది. సోమవారం ఉదయం 10:08 గంటలకు టైటిల్, ఫస్ట్లుక్ రిలీజ్ చేయనున్నట్లు ఈ సినిమా బృందం ప్రకటించింది. బాక్సింగ్ నేపథ్యంలో తెరకెక్కుతున్న ఈ సినిమా పలు భాషల్లో రిలీజ్ కాబోతుంది. అన్ని భాషలకు అతీతంగా అందరినీ అలరించేందుకు ఈ మూవీ రెడీ అవుతోంది అని చిత్ర బృందం తెలిపింది. కాగా.. ఈ మూవీలో అనన్యపాండే హీరోయిన్గా నటిస్తున్న విషయం తెలిసిందే..
previous post