వార్తలు & టిప్స్

భోజనం తరువాత నీరు తాగొచ్చా?

అన్ని రోగాలకి చికిత్సకంటే , రోగాల బారిన పడకుండా ఉండటమే ఎంతో ప్రధానము అంటారు మహర్షి వాగ్భటాచార్యుడు. “భోజనాంతే విషం వారీ” అంటే భోజనం చివర నీరు త్రాగటం “విషం”తో సమానం. మనం తీసుకున్న ఆహారం మొదట జీర్ణాశయానికి చేరుతుంది. అక్కడ అగ్ని (జఠరాగ్ని) ప్రదీప్తమవుతుంది. ఆ అగ్ని తిన్న ఆహారాన్నిపచనం చేస్తుంది. ఇది ప్రధానమైన విషయం.

భోజనం తిన్న తరువాత నీళ్ళు త్రాగితే జఠరాగ్ని చల్లబడుతుంది. ఇక తిన్నఆహారము అరగదు. అది కుళ్ళి పోతుంది. కుళ్ళిన ఆహారం నుండి వచ్చిన విషయవాయువులు శరీరమంతటా వ్యాపిస్తాయి. ఆ విషయవాయువుల వలన 103 రోగాలు వస్తాయి. ఆ కుళ్ళిన ఆహారం వల్ల వచ్చేది కొలెస్ట్రాల్, ఆహారం సక్రమంగా జీర్ణమైతే చెడు కొలెస్ట్రాల్ అసలు ఉండదు.

water-1

నీరు త్రాగే విధానం :–
నీటిని గుటక గుటకగా త్రాగాలి. ఒక్కొక్క గుటక నోటిలో నింపుకంటూ చప్పరిస్తూ త్రాగాలి. వేడి వేడి పాలు త్రాగే విధంగా నీటిని త్రాగాలి. నీరు ఎప్పుడు త్రాగినా ఈ విధంగానే త్రాగాలి. ఇది నీరు త్రాగే సరైన విధానం. గటగటా నీరు త్రాగడం సరైన విధానం కాదు.

ఫలితము :—
నీటిని గుటక గుటక చప్పరిస్తూ త్రాగితే నోటిలోన వున్న లాలాజలంతో నీరు కలిసి పొట్టలోకి చేరుతుంది. పొట్టలో ఆమ్లాలు తయారవుతాయి. లాలాజలం పొట్టలోని ఆమ్లాలతో కలిసి న్యూట్రల్ అవుతుంది. అసలు నోటిలో లాలాజలం తయారయ్యేది పొట్టలోకి వెళ్ళటానికి, లోపలి ఆమ్లాలని శాంతింప చెయ్యటానికి. అపుడు మనం జీవితాంతం ఏ రోగాల బారినపడకుండా ఆరోగ్యంగా జీవించవచ్చును.

ఎప్పుడు త్రాగాలి : —-
బ్రేక్ పాస్ట్ లేక భోజనమునకు గంట ముందు నీళ్ళు త్రాగాలి. లేదా బ్రేక్ ఫాస్ట్ లేక భోజనం చేసిన గంట న్నర తరువాత త్రాగాలి. (ఆహారం జఠర స్ధానంలో గంటన్నర వరకు అగ్ని ప్రదీప్తమై ఉంటుంది). అపుడు ఆహారం సక్రమంగా జీర్ణమవుతుంది‌. భోజనం మధ్యలో నీరు త్రాగాలనిపిస్తే 2 లేక 3 గుటకల నీరు త్రాగవచ్చును. భోజనం ముగించాక గొంతు శుద్ధి కోసము, గొంతు సాఫీగా ఉంచటానికి 2 లేక 3 గుటకల నీరు త్రాగవచ్చును.
ఉదయం బ్రేక్ ఫాస్ట్ లేక భోజనం తరువాత పండ్లరసాలు త్రాగవచ్చును. మధ్యాహ్న భోజనం తరువాత మజ్జిగ త్రాగవచ్చును. రాత్రి భోజనాంతరము పాలు త్రాగవచ్చు. ఈ క్రమాన్ని ముందు వెనుకలుగా చెయ్యవద్దు. ఎందుకంటే ఆయా రసాలను పచనం చేసే ఎంజైమ్స్ ఆ సమయాల్లో మాత్రమే మన శరీరంలో ఉత్పన్నమవుతాయి.

water 2

నీరు ఎంత త్రాగాలి : —
మీరున్న బరువును 10 తోటి భాగించి 2 ను తీసివేస్తే వచ్చినది మీరు త్రాగవలసిన నీటి శాతం చూసుకొని త్రాగండి. ఉదా: మీరు 60 కిలోల బరువు వుంటే 60ని 10 చే భాగించితే 6 వస్తుంది. దీనిలో నుండి 2 తీసివేస్తే 4 వస్తుంది. మీరు 24 గంటల్లో 4 లీటర్ల నీరు త్రాగవలెను.

ఎలా త్రాగాలి :–
ఎల్లప్పుడూ సుఖాసనంలో కూర్చొని గుటక గుటకగా చప్పరిస్తూ త్రాగాలి .
నిలబడి నీళ్ళు త్రాగరాదు.
చల్లని నీళ్ళు త్రాగరాదు.
గోరు వెచ్చని నీళ్ళు త్రాగవలెను.
ఎండాకాలములో (మార్చి నుండి జూన్) మట్టికుండలోని నీరు త్రాగవలెను.
మూత్ర విసర్జన తర్వాత నీళ్ళు త్రాగరాదు. మూత్ర విసర్జన తర్వాత నీళ్ళు త్రాగిన మూత్ర సంబంధ వ్యాధులు వస్తాయి.
మల విసర్జన తర్వాత నీళ్ళు త్రాగరాదు. మల విసర్జన తర్వాత నీళ్ళు త్రాగిన యెడల మలబద్ధకం వస్తుంది.
స్నానం చేసిన వెంటనే నీళ్ళు త్రాగరాదు. స్నానం చేసిన వెంటనే నీళ్ళు త్రాగిన యెడల చర్మ వ్యాధులు లేక ఉబ్బసం వంటి జబ్బులు వస్తాయి. ఎండ నుండి నీడకు వచ్చి వెంటనే నీళ్ళు త్రాగితే సమస్యలు వస్తాయి. రిఫ్రిజిరేటర్ నీళ్ళు చాలా హానికరము. మనకు ఆహారము ఎంత ప్రధానమో, తిన్న ఆహారము సక్రమంగా జీర్ణమటం అంతే ప్రధానము.

water 3

మనము తిన్న భోజనము జీర్ణము కాని యెడల అది కుళ్ళిపోతుంది. ఆ కుళ్ళిన ఆహారము వలన శరీరంలో విషవాయువులు పుట్టి 103 రోగాలకు కారణం అవుతుంది. మొట్టమొదట గ్యాస్ ట్రబుల్, గొంతులో మంట, గుండెలో మంట, ఎసిడిటీ, హైపవర్ ఎసిడిటీ, అల్సర్, పెప్టిక్ అల్సర్ మొదలగునవి వస్తాయి. చివరగా క్యాన్సర్.

మీరు ఎల్లప్పుడూ నీటిని గుటక గుటకగా చప్పరిస్తూ త్రాగిన యెడల మీరు జీవితంలో ఏ రోగాల బారినబడరు. సంపూర్ణ ఆరోగ్యవంతులుగా వుంటారు. ఈ సృష్టిలో ప్రతి జంతువు నీటిని చప్పరిస్తూ ఒక్కొక్క గుటకగా త్రాగుతుంది.

Related posts

ఎండలు మండిపోతున్నాయి… జనం మాడిపోతున్నారు…

admin

రేగిపండు తింటే అద్భుతాలే…..

admin

మూల చికిత్స అవసరమా? -డా.కె.ఎల్.వి.ప్రసాద్

chandra sekkhar

Leave a Comment