telugu navyamedia
crime culture trending

ఈ రెస్టారెంట్‌ అత్యంత దురదృష్టమైనది .. ఏడాదిలో మూడు కార్లు దూసుకెళ్లాయ్!

car unlucky restuarent in denwar
డెన్వర్: ప్రపంచంలోనే ఈ రెస్టారెంట్‌ను అత్యంత దురదృష్టమైనదిగా నెటిజన్లు తేల్చేశారు. ఇది అమెరికాలోని కొలరాడో రాష్ట్రంలో ఉన్న డెన్వర్‌లో ఉంది. ఈ రెస్టారెంట్ పేరు హార్నెట్. ఒక్క 2018 ఏడాదిలోనే మూడు కార్లు ఈ రెస్టారెంట్‌లోకి దూసుకెళ్లాయి. తాజాగా మొన్న శనివారం కూడా అలాంటిదే ఓ ప్రమాదం జరిగింది. ఓ వ్యక్తి తప్పతాగి కారు నడుపుతూ ఈ రెస్టారెంట్‌లోకి దూసుకెళ్లాడు. అదృష్టవశాత్తూ ఈ ప్రమాదంలో ఎవరూ గాయపడలేదు. పోలీసులు అతన్ని అరెస్ట్ చేశారు. ఓ బీఎండబ్ల్యూ కారు తమ రెస్టారెంట్‌లోకి దూసుకువచ్చిన ఫొటోను హార్నెట్ రెస్టారెంట్ షేర్ చేసింది. తమ దురదృష్టానికి నవ్వాలో ఏడవాలో తెలియని స్థితిలో హార్నెట్ నిర్వాహకులు ఉన్నారు. ఎందుకంటే రెండు వారాల కిందటే ఇలాంటి ప్రమాదం రెస్టారెంట్‌లో జరిగింది. ఎదురుగా వస్తున్న కారును తప్పించబోయి మరో కారు ఈ రెస్టారెంట్‌లోకి దూసుకెళ్లింది. ఈ ఏడాది ఫిబ్రవరిలోనూ ఇలాగే మరో కారు రెస్టారెంట్‌లో తలుపులను బద్ధలు కొడుతూ దూసుకురావడం విశేషం.

Related posts

 అమ్మ కొట్టిందని…  ఆత్మహత్య చేసుకున్న బాలుడు

ashok

సినిమాలకు గుడ్‌బై చెపుతున్నా .. కమలహాసన్

ashok

‘సెక్స్’తో కూడా బరువు తగ్గొచ్చు! ఎలాగంటే…?

ashok