telugu navyamedia
ఆంధ్ర వార్తలు క్రైమ్ వార్తలు ట్రెండింగ్ వార్తలు సినిమా వార్తలు

ఏపీలో దారుణం : బాలికను రేప్ చేసిన టిక్ టాక్ స్టార్

దేశంలో ఎన్ని కఠిన చట్టాలు తీసుకువచ్చినా మహిళలపై లైంగిక దాడులు ఆగడం లేదు. మహిళలపై దాడులు జరుగుతూనే ఉన్నాయి. మహిళలపై దాడులు జరగకుండా కేంద్ర, రాష్ట్ర ప్రభుత్వాలు ఎన్ని చట్టాలు తెచ్చినా కొంత మంది దుర్మార్గులు దారుణాలకు ఒడిగడుతూనే ఉన్నారు. తాజాగా  ఏపీలో దారుణం చోటుచేసుకుంది. ఓ బాలికను మాయమాటలతో లోబరుచుకుని గర్భవతిని చేసిన కేసులో టిక్‌టాక్‌ భార్గవ్ ను దిశ పోలీసులు అరెస్ట్ చేశారు. పోక్సో చట్టం కింద కేసు నమోదు చేశారు పోలీసులు.అయితే అతన్ని కోర్టులో హాజరు పరచగా న్యాయమూర్తి వచ్చే నెల మూడో తేదీ వరకు రిమాండ్ విధించారు. అసలు వివరాల్లోకి వెళితే.. హైదరాబాద్ కు చెందిన భార్గవ్ “ఫన్ బాస్కెట్ ” పేరుతో టిక్ టాక్ వీడియోలు చేసేవాడు. టిక్ టాక్ నిషేధించడంతో మోజో, రేపోసో వంటి యాప్ లలో ప్రస్తుతం వీడియోలు చేస్తున్నాడు భార్గవ్. ఈ నేపథ్యంలోనే భార్గవ్ కు పెందుర్తి కి చెందిన ఓ బాలికకు పరిచయమయ్యాడు. ఆమెకు మాయమాటలు చెప్పి శారీరకంగా లోబరుచుకున్నాడు భార్గవ్. గర్భవతి కావడంతో ఆమెను దూరం పెట్టాడు భార్గవ్. దీంతో ‌విశాఖ దిశ పోలీసులను ఆశ్రయించింది బాలిక. బాలిక ఫిర్యాదు మేరకు భార్గవ్ ను పోలీసులు అరెస్ట్ చేశారు.

Related posts