మాటల మాంత్రికుడు త్రివిక్రమ్ శ్రీనివాస్ దర్శకత్వంలో స్టైలిష్ స్టార్ అల్లు అర్జున్ 19వ సినిమా తెరకెక్కుతున్న సంగతి తెలిసిందే. హారికా హాసినీ, గీతా ఆర్ట్స్ సంస్థలు సంయుక్తంగా నిర్మిస్తున్న ఈ చిత్రంలో పూజా హెగ్డే కథానాయికగా నటిస్తోంది. ఎస్ఎస్ థమన్ సంగీతం అందిస్తున్నాడు. వచ్చే సంక్రాంతికి ఈ సినిమా ప్రేక్షకుల ముందుకు రాబోతోంది. ఈ సినిమాకు “అలకనంద” అనే టైటిల్ అనుకుంటున్నట్టు సమాచారం. ఫ్యామిలీ ఓరియెంటెడ్ మూవీగా రూపొందుతున్న ఈ చిత్రంలో సుశాంత్, నివేదా పేతురాజ్ కీలక పాత్రలో నటిస్తున్నారు. ఈ సినిమాలో సీనియర్ హీరోయిన్ టబు ముఖ్యమైన పాత్రలో కనిపించబోతోంది. తాజాగా ఈ సినిమా సెట్స్లోకి టబు అడుగు పెట్టారు. ఈ సినిమాలో టబు లుక్కు సంబంధించిన వీడియోను చిత్రబృందం విడుదల చేసింది. అలాగే టబుకు గ్రాండ్ వెల్కమ్ చెప్పింది. టాప్ ఆర్టిస్ట్లు అందరు ఈ చిత్రంలో భాగం అవుతుండడంతో మూవీపై భారీ అంచనాలు పెరుగుతున్నాయి.
previous post