మంచు మనోజ్ హీరోయిన్ టీవీ యాంకర్…!?

మంచువారి చిన్నబ్బాయి మనోజ్ మూడేళ్ల విరామం తరవాత మళ్లీ వెండితెరపై కనిపించేందుకు సిద్ధమవుతున్నారు. అందరినీ ఆశ్చర్యపరుస్తూ పాన్ ఇండియా సినిమాను ప్రకటించారు. ఇటీవలే తాను స్థాపించిన నిర్మాణ సంస్థ ఎంఎం ఆర్ట్స్ బ్యానర్‌పై ఈ సినిమాను నిర్మిస్తున్నారు. ‘అహం బ్రహ్మాస్మి’ అనే టైటిల్‌తో తెరకెక్కనున్న ఈ సినిమాకు తన తల్లి మంచు నిర్మలాదేవితో కలిసి మనోజ్ నిర్మాతగా వ్యవహరిస్తున్నారు. శ్రీకాంత్ ఎన్ రెడ్డి దర్శకత్వం వహిస్తోన్న ఈ సినిమా టైటిల్ లోగోకు ప్రేక్షకుల నుంచి మంచి స్పందన వచ్చింది. కాగా, ఈ సినిమాలో హీరోయిన్‌ను ఫైనల్ చేసినట్టు తాజా సమాచారం. తమిళనాడుకు చెందిన ప్రముఖ టీవీ యాంకర్, నటి ప్రియా భవానీ శంకర్‌ను మనోజ్ సరసన హీరోయిన్‌గా ఎంపిక చేశారట. కథ డిమాండ్ మేరకు కొత్త అమ్మాయితే బాగుంటుందని తెలుగు ప్రేక్షకులకు పరిచయంలేని ప్రియను ఎంపిక చేసినట్టు తెలిసింది. ప్రియకు తమిళనాట బోలెడంత ఫాలోయింగ్. ఇన్‌స్టాగ్రామ్‌లో ఈమెకు 1.8 మిలియన్ ఫాలోవర్స్ ఉన్నారు. ప్రస్తుతం ప్రియ తమిళంలో కూడా వరుసపెట్టి సినిమాలు చేస్తోంది. ఇదిలా ఉంటే, ‘అహం బ్రహ్మాస్మి’ సినిమాను మార్చి 6న లాంఛనంగా ప్రారంభించనున్నారు. తెలుగు, తమిళం, కన్నడ, మలయాళం, హిందీ భాషల్లో ఈ సినిమాను నిర్మిస్తుండటంతో మూవీ ఓపెనింగ్ చాలా గ్రాండ్‌గా ఉండబోతోందని తెలిసింది. ప్రస్తుతం తెలుగు రాష్ట్రాల్లో మంచు మనోజ్ మార్కెట్ అంతంత మాత్రంగానే ఉంది