telugu navyamedia
telugu cinema news trending

తలైవి : జయలలిత లుక్ లో ఆకట్టుకుంటున్న కంగనా

Kangana

 దివంగత తమిళనాడు ముఖ్యమంత్రి జయలలిత జయంతి నేడు. ఈ సందర్భంగా ఆమె జీవితాధారంగా తెరకెక్కుతున్న ‘తలైవి’ బయోపిక్ నుంచి మరో లుక్‌ను సినిమా టీం రిలీజ్ చేసింది. సినిమాలో జయలలిత పాత్రలో బాలీవుడ్ క్వీన్ కంగనా రనౌత్ నటిస్తున్నారు. లుక్‌లో కంగన అమ్మ పాత్రలో ఒదిగిపోయారనే చెప్పాలి. కొన్ని నెలల క్రితం ‘తలైవి’ సినిమాలోని ఫస్ట్‌ లుక్ రిలీజ్ అయింది. ఆ లుక్‌తో పోలిస్తే ఈరోజు రిలీజ్ చేసిన పోస్టర్ బాగుంది. ఈ సినిమాకు తమిళ దర్శకుడు ఏ.ఎల్ విజయ్ తెరకెక్కిస్తున్నారు. దాదాపు 50 శాతం షూటింగ్ అయిపోయింది. ‘తలైవి’ బయోపిక్‌ను విష్ణు ఇందూరి నిర్మిస్తున్నారు. తెలుగు, తమిళం, హిందీలో సినిమా విడుదల కానుంది. ఈ సినిమాలో అర‌వింద‌స్వామి దివంగ‌త త‌మిళ‌నాడు ముఖ్యమంత్రి, లెజెండరీ యాక్టర్‌ ఎంజీ రామ‌చంద్రన్(ఎంజీఆర్‌) పాత్రలో న‌టిస్తున్నారు. అలాగే మ‌రో లెజెండ్రీ పొలిటీషియ‌న్, దివంగ‌త మాజీ ముఖ్యమంత్రి క‌రుణానిధి పాత్రలో విల‌క్షణ న‌టుడు ప్రకాష్ రాజ్ కనిపించనున్నారు. బ్లేడ్ ర‌న్నర్‌, కెప్టెన్ మార్వెల్ వంటి హాలీవుడ్ చిత్రాల్లో వ‌ర్క్ చేసిన ప్రముఖ హాలీవుడ్ మేక‌ప్ ఆర్టిస్ట్ కంగ‌నా ర‌నౌత్‌ను జ‌య‌ల‌లిత‌గా చూపిస్తున్నారు. దర్శకుడు విజయ్ శోభన్ బాబు పాత్రకు ప్రముఖ బెంగాలీ నటుడు జిషు సేన్‌గుప్తాను ఎంపిక చేసారు. ఇందుకోసం జిషు శోభన్ బాబు నటించిన సినిమాలన్నీ చూస్తూ తన క్యారెక్టర్‌ కోసం ప్రాక్టీస్ చేస్తున్నారు. గతేడాది విశ్వవిఖ్యాత నట సార్వభౌముడు నందమూరి తారక రామారావు బయోపిక్ అయిన ‘ఎన్టీఆర్: కథానాయకుడు’ సినిమాలో జిషు సేన్‌గుప్తా ఎల్వీ ప్రసాద్ పాత్రలో నటించారు. ఇటీవల యువ నటుడు నాగశౌర్య నటించిన ‘అశ్వద్థామ’ సినిమాలో సైకో పాత్రను పోషించారు.

Related posts

వివేకా హత్య కేసు : ఘటన రోజు .. ఇంట్లో ఉన్న భారీ నగదు కూడా చోరీ.. !

vimala p

హైదరాబాద్ : … ముగిసిన కేసీఆర్ సమీక్ష .. ప్రైవేటీకరణకు దారులు వెతుకులాట..

vimala p

భర్తతో స్టార్ హీరోయిన్ విడాకులు ?

vimala p