ఇప్పటివరకు వన్డే, పొట్టి క్రికెట్(టీ20) ఫార్మాట్ లో ప్రపంచ కప్ జరుగుతున్న విషయం తెలిసిందే. అయితే ఇక మీదట టెస్ట్ ఫార్మాట్ లో కూడా ప్రపంచ కప్ పోటీలకు శ్రీకారం చుడుతోంది అంతర్జాతీయ క్రికెట్ కౌన్సిల్(ఐసీసీ). ఈ కప్ కోసం మొత్తం 9 దేశాల నుండి 9 టీం లు పాల్గొంటున్నాయి. వీటి మధ్య టెస్ట్ మ్యాచ్ సిరీస్ లు జరిపి, చివరికి ఎవరు ఎక్కువ పాయింట్లతో ఉంటారో వారి మధ్య జూన్ 2021 లో ఫైనల్ జరుగుతుందట.
ఈ 9 టీం లలో ఇండియా, పాక్ సహా పలు దేశాల నుండి టీం(ఆస్ట్రేలియా, దక్షిణాఫ్రికా, బంగ్లాదేశ్, న్యూజిలాండ్, శ్రీలంక, ఇంగ్లాండ్, వెస్టిండీస్) లు పాల్గొంటున్నాయి. ఈ ఫార్మాట్ లో సిరీస్ కి 60 పాయింట్లు ఉంటాయి. ఒక్క సిరీస్ లో ఎన్ని టెస్ట్ మ్యాచ్ లు ఉన్నా మొత్తం కలిపి 60 పాయింట్లు ఇస్తారు. ఈ ఫార్మాట్ కి అప్పుడే టైం టేబుల్ ను విడుదల చేశారు. ఇప్పటికే ఏడాది పొడుగునా ఐపీఎల్ సహా పలు ఫార్మాట్లలో క్రికెట్ అభిమానులకు సందడిసందడి. ఈ టెస్ట్ ప్రపంచ కప్ తో ఈ సందడి మరింత పెరగనుంది.
సాధారణంగా టెస్ట్ మ్యాచ్ అంటే చాలా నిదానంగా ఆట సాగుతుంది కాబట్టి మొదటి నుండి ఈ ఫార్మాట్ కి ఆదరణ అంతగా ఉండకపోవటం నిజమే. కానీ, ప్రపంచ కప్ ఈ ఫార్మట్ లో కూడా ప్రారంభించారు కాబట్టి ఇకనుండి ఈ తరహా ఆటకు కూడా ఆదరణ విపరీతంగా పెరగనుందని విశ్లేషకులు అంచనా వేస్తున్నారు.
ఈ ప్రపంచ కప్ లో భారత్ ఆడే మ్యాచ్ లు 10 కాగా, అందులో 2 బంగ్లాదేశ్ తో, 5 ఇంగ్లాండ్ తో, 3 దక్షిణాఫ్రికా తో ఆడనుంది. అలాగే హోమ్ లో ఆస్ట్రేలియా తో 4, న్యూజిలాండ్ తో 2, వెస్టిండీస్ తో 2 ఆడనుంది. మొత్తం 18 మ్యాచ్ లు ఇండియా అటు వేరే దేశ భూబాగంలోను, ఇటు సొంత భూమిలో ఆడనుంది. ఈ ప్రపంచ కప్ లో భారత్ శ్రీలంకతోను, పాక్ తోను ఒక్క మ్యాచ్ కూడా ఆడకపోవడం విశేషం. దాయాదులుగా ఈ రెండుదేశాలతో ఉన్న సమస్యలే ఇందుకు కారణం కావచ్చు!!