కరోనా వ్యాప్తిని అరికట్టేందుకు ఇప్పటికే తెలంగాణలో లాక్ డౌన్ అమలవుతున్న సంగతి తెలిసిందే. ఈ నేపథ్యంలో మీ సేవా కేంద్రాలను ఈ నెల 31 వరకూ మూసివేస్తున్నట్టు ఆపరేటర్ల సమాఖ్య వెల్లడించింది. రాష్ట్రంలోని అన్ని జిల్లాల్లో ప్రభుత్వ అధీనంలో 107 మీ సేవా కేంద్రాలు పనిచేస్తున్నాయి. వాటిని నెలాఖరు వరకూ మూసివేయాలని నిన్న ఐన్ఫర్మేషన్ టెక్నాలజీ శాఖ ఉత్తర్వులు జారీ చేసింది.
ఈ నేపథ్యంలో తెలంగాణ మీ సేవ ఆపరేటర్ల సమాఖ్య అత్యవసర సమావేశాన్ని నిర్వహించారు. వైరస్ వ్యాప్తిని అరికట్టాలన్న ప్రభుత్వ నిర్ణయానికి తాము కట్టుబడివున్నామని తెలిపారు. ఇందులో భాగంగా మీ సేవా కేంద్రాలను మూసి వేస్తున్నామని వెల్లడించారు.