ఎప్పుడు కనివిని ఎరగని కూటమి గత తెలంగాణ అసెంబ్లీ ఎన్నికలలో కనిపించిన విషయం తెలిసిందే. అదే టీడీపీ-కాంగ్రెస్ కూటమి. ఇది రేపటి లోక్ సభ ఎన్నికల సందర్భంగా కూడా కొనసాగించాలని ఆ పార్టీలు నిర్ణయించాయి. ఇందులో భాగంగా రాబోయే లోక్ సభ ఎన్నికల్లో తెలంగాణలో పోటీ చేయరాదని టీడీపీ నిర్ణయించింది. ఈ ఎన్నికల్లో కాంగ్రెస్ పార్టీకి మద్దతు ఇవ్వాలని నిర్ణయం తీసుకుంది.
ఈ నేపథ్యంలో కాంగ్రెస్ పార్టీ సీనియర్ నేత కుంతియా టీటీడీపీ నేతలతో భేటీ అయ్యారు. దీనితో ఈ విషయాన్ని టీటీడీపీ నేతలు పార్టీ అధినేత చంద్రబాబు దృష్టికి తీసుకెళ్లారు. ఈ విషయమై పార్టీ ముఖ్యులతో చర్చించిన చంద్రబాబు కాంగ్రెస్ పార్టీకి మద్దతు ఇవ్వాలని నిర్ణయించారు. తొలుత మల్కాజ్ గిరి, సికింద్రాబాద్, చేవెళ్ల నుంచి పోటీ చేయాలని టీడీపీ భావించింది. అయితే అధిష్ఠానం నిర్ణయం నేపథ్యంలో పలువురు టీడీపీ నేతలు అసంతృప్తికి గురయ్యారు.
తాను కాంగ్రెస్ పార్టీలో చేరడం తప్పే.. జగ్గారెడ్డి సంచలన వ్యాఖ్యలు!