తెలుగుదేశం నేత, మాజీ మంత్రి భూమా అఖిలప్రియను పోలీసులు ఈరోజు హౌస్ అరెస్ట్ చేశారు. ఛలో ఆత్మకూరు కార్యక్రమంలో పాల్గొనేందుకు విజయవాడకు చేరుకున్న అఖిలప్రియ, ఆమె సోదరుడు జగత్ విఖ్యాత్ రెడ్డిలను వారు ఉంటున్న హోటల్ గదిలోనే నిర్బంధించారు. ఈ సందర్భంగా గదిలోకి వచ్చిన మహిళా పోలీసులపై భూమా అఖిలప్రియ తీవ్రంగా విరుచుకుపడ్డారు.
మేడమ్ టచ్ చేయకండి. మీరు రూమ్ లోకి వెళ్లే అథారిటీ ఉందా? అని మండిపడ్డారు. ఈ సందర్భంగా అఖిలప్రియ తన గది నుంచి బయటకొచ్చేందుకు వీల్లేదని పోలీసులు స్పష్టం చేసినప్పటికీ, అఖిలప్రియ లిఫ్ట్ ద్వారా కిందకు వెళ్లేందుకు ప్రయత్నించారు. ఈ సందర్భంగా ఆమెను మగ పోలీసులు అడ్డుకునేందుకు ప్రయత్నించడంతో ఇటు టీడీపీ మద్దతుదారులు, అటు పోలీసుల మధ్య వాగ్వాదం చోటుచేసుకుంది. ఈఘటనకు సంబంధించిన వీడియో ప్రస్తుతం సోషల్ మీడియాలో వైరల్ గా మారింది.
మిగతా విషయాలపై మాట్లాడే దమ్మే లేదు: విజయసాయి రెడ్డి