సురేందర్ రెడ్డి దర్శకత్వంలో మెగాస్టార్ చిరంజీవి “సైరా” చిత్రంలో నటిస్తున్న విషయం తెలిసిందే. ఇప్పటికే చాలావరకు చిత్రీకరణను పూర్తి చేసుకున్న ఈ చిత్రం మోస్ట్ ప్రొడక్షన్ పనులను కూడా ప్రారంభించింది. ఈ నేపథ్యంలోనే చరణ్ ఈ సినిమా గురించి చిరంజీవిని ఇంటర్వ్యూ చేయనున్నాడని సమాచారం. ‘సైరా’ సినిమా ప్రత్యేకతలు, ఆయా పాత్రలు, లుక్స్ విషయంలో తీసుకున్న జాగ్రత్తలు, షూటింగ్ విశేషాలు, అనుభవాలు మొదలైన విషయాల గురించి చిరంజీవిని చరణ్ ప్రశ్నలు అడగనున్నాడట. ఈ సినిమాకి చరణ్ నిర్మాతగా వ్యవహరిస్తున్నారు. ఈ సినిమాకు భారీగా హైప్ తీసుకురావడం కోసమే ఈ ఇంటర్వ్యూను ప్లాన్ చేశారని అంటున్నారు.
ఈ చిత్రం తరువాత కొరటాల శివ దర్శకత్వంలో చిరంజీవి సినిమా చేయబోతున్న విషయం తెలిసిందే. తాజాగా చిరు, కొరటాల సినిమాకు సంబంధించిన ఓ వార్త సోషల్ మీడియాలో చక్కర్లు కొడుతోంది. సినిమాలోని ఓ కీలకమైన పాత్రకోసం శృతిహాసన్ ను తీసుకుంటున్నట్లు తెలుస్తోంది. గతకొంతకాలంగా ప్రైవేట్ ఆల్బమ్స్ తో సినిమాలకు దూరంగా ఉంది శృతి హాసన్. గతంలో మెగా కాంపౌండ్ హీరోలు పవన్ కళ్యాణ్, రామ్ చరణ్, అల్లు అర్జున్ లతో శృతిహాసన్ జతకట్టిన విషయం తెలిసిందే.