సీనియర్ జర్నలిస్ట్ జి .ఎస్ వరదాచారి గారు 91వ సంవత్సరంలో అడుగు పెట్టిన సందర్భంగా వెటరన్ జర్నలిస్ట్ అసోసియేషన్ ఆయన కు జీవన సాఫల్య అభినందన కార్యక్రమాన్ని ఆదివారం రోజు ప్రెస్ కక్లబ్ లో ఏర్పాటు చేసింది .
ఈ సందర్భంగా వరదాచారి గారితో అనుబంధం వున్న సీనియర్ జర్నలిస్టుల వ్యాసాలతో ” పరిణత పాత్రికేయం జి .ఎస్ .వరదాచారి ” పేరుతో ఓ పుస్తకాన్ని తీసుకొచ్చారు .ఈ పుస్తకాన్ని తెలంగాణ ప్రభుత్వ సలహాదారు డాక్టర్ కె .వి .రమణాచారి ఆవిష్కరించి తొలి ప్రతిని వరదాచారి గారికి బహుకరించారు .
ఈ సందర్భంగా – వరదాచారి ప్రతిభ, వ్యక్తిత్వం గురించి మాట్లాడుతూ . ఈ నటి యువ జర్నలిస్టులకు మార్గదర్శి అని చెప్పారు . ఆయన 91వ జన్మదినోత్సవాన్ని ఈరోజు జరపడం ఎంతో సముచితంగా , సంతోషంగా ఉందని చెప్పారు .
ఈ సభలో ప్రెస్ అకాడమీ చైర్మన్ అల్లం నారాయణ మాట్లాడుతూ – వరదాచారి నిబద్దత కలిగిన జర్నలిస్టు, ఎందరో గ్రామీణ జర్నలిస్టులకు మార్గనిర్ధేశనం చేశారని అన్నారు . వర్కింగ్ జర్నలిస్ట్ అసోసియేషన్, హోసింగ్ సొసైటీ , ఫిలిం క్రిటిక్స్ అసోసియేషన్ తో పాటు తెలుగు యూనివర్సిటీలో కూడా తన సేవలను అందించారని చెప్పారు .
సీనియర్ జర్నలిస్టు ఎమ్ .వి .ఆర్ .శాస్త్రి మాట్లాడుతూ -వరదాచారి గారికి ఎడిటర్ కాదగ్గ అన్ని అర్హతలు ఉన్నాయని , కానీ కాలేకపోయారని చెప్పారు. ఎంతో మంది జర్నలిస్టుల సమక్షంలో తనను సత్కరించడం మర్చి పోలేనని , అందరికీ కృతజ్ఞతలు అని వరదాచారి చెప్పారు .
” పరిణత పాత్రికేయం జి .ఎస్ .వరదాచారి ” పుస్తకంలో వ్యాసాలూ వ్రాసిన ఉడయవర్లు , దాసు కేశవ రావు , గోవిందరాజు చక్రధర్ , భండారు శ్రీనివాసరావు ,భగీరథ, లక్ష్మణ రావు ,ములుగు రాజేశ్వర రావులను రమణాచారి సత్కరించారు. ఈ కార్యక్రంలో ఎంతో మంది జర్నలిస్టులు పాల్గొని వరదాచారిని సత్కరించారు . .
వెటరన్ జర్నలిస్ట్స్ అసోసియేషన్ అధ్యక్షులు కేశవ్ రావు మొదట స్వాగతం పలికారు . ఉపాధ్యక్షులు ఉదయవర్లు సంస్థ గురించి వివరించారు . కార్యదర్శి లక్ష్మణ రావు వందన సమర్పణ చేశారు .