రియల్ హీరో పాత్ర కావాలంటున్న స్టార్ హీరోయిన్

టాలీవుడ్ స్టార్ హీరోయిన్ స‌మంత‌ ప్ర‌స్తుతం 96 రీమేక్ చిత్రంలో నటిస్తున్న విషయం తెలిసిందే. దిల్ రాజు 96 రీమేక్ చిత్రాన్ని ఫిబ్ర‌వ‌రి 7న విడుద‌ల చేసేందుకు స‌న్నాహాలు చేస్తున్నారు. ఈ చిత్రంతో పాటు “ది ఫ్యామిలీ మ్యాన్” సీజ‌న్ 2 వెబ్ సిరీస్ చేస్తుంది. 2019లో బేబీ, మ‌జిలీ చిత్రాల‌తో స‌మంత భారీ విజ‌యాలను ద‌క్కించుకుంది. తాజాగా ఈ అమ్మడికి బాలీవుడ్ నుంచి ఆఫర్ రాగా, దానిని సున్నితంగా తిర‌స్క‌రించింద‌ట‌. అయితే తాజాగా త‌న‌కు ఓ రియ‌ల్ హీరో బ‌యోపిక్‌లో న‌టించాల‌నుంద‌ని చెప్పింది స్టార్‌ హీరోయిన్ స‌మంత అక్కినేని. రీసెంట్‌గా ఓ అవార్డు ఫంక్ష‌న్‌లో స‌మంత పాల్గొన్నారు. తాను జీవితంలో సాధించింది చాలా త‌క్కువ‌ని, త‌న‌ను మించిన వారెంద‌రో ఉన్నార‌ని స‌మంత ఈ సంద‌ర్భంగా తెలిపారు. ఎవ‌రైనా ఓ రియ‌ల్ హీరో బ‌యోపిక్‌లో న‌టించాల‌నుంద‌ని ఈ సంద‌ర్భంగా స‌మంత అన్నారు. త‌న మ‌న‌సులో మాట‌ను బ‌య‌ట పెట్టిన స‌మంత కోసం అలాంటి స్క్రిప్ట్‌ను ఏ ద‌ర్శ‌కుడు తీసుకొస్తాడో చూడాలి.