మెగా హీరో సాయి ధరమ్ తేజ్ వరుసగా కొత్త కథలతో సినిమాలు చేస్తున్నాడు. ప్రస్తుతం సాయి సోలో బ్రతుకే సో బెటర్ అంటూ ఈ క్రస్మస్‌కు అందరికి గిఫ్ట్ ఇవ్వనున్నాడు. ఈ హీరో తరువాతి సినిమాను సుకుమార్‌తో ప్లాన్ చేశాడు. అయితే దీనికి సంబంధించిన ఫస్ట్ లుక్‌ను కూడా విడుదల చేశాడు. ఈ సినిమాను సుకుమార్ వ్రైటింగ్స్ బ్యానర్‌పై సుకుమార్, బీవీఎస్ఎన్ ప్రసాద్ కలిసి నిర్మించబోతున్నారు. తాజాగా వచ్చిన సమాచారం ప్రకారం ఈ సినిమా 1970 బ్యాక్ డ్రాప్‌తో తెరకెక్కనుంది. ఈ సినిమా సుకుమార్ శిష్యుడు కార్తీక్ దండు దర్శకత్వంలో తీయనున్నారు. దీనికి తోడు ఈ సినిమా థ్రిల్లర్ డ్రామాగా తెరకెక్కనుంది. ఈ సినిమా షూటింగ్ సాయి ప్రస్తుత సినిమా విడుదల తరువాత మొదలు కానుందని వార్తలు వినిపిస్తున్నాయి. ఇదిలా ఉంటే సోలో బ్రతుకే సో బెటర్ సినిమా రొమాంటిక్ కామెడీగా తెరకెక్కనుంది. అయితే ఈ సినిమా ఈ ఏడాది మే నెలలో విడుదల కావాల్సి ఉంది. కానీ కరోనా కారణంగా వాయిదా పడింది. అయితే క్రస్మస్‌కు ప్రేక్షకుల ముందుకు వచ్చేందుకు సిద్దమవుతోంది.
మరో సినిమాకు ఓకే చెప్పిన మెగా హీరో..
