గుజరాత్‌కు చెందిన ఇద్దరు మహిళలు గిన్నీస్‌ రికార్డు కోసం వినూత్న యత్నం చేశారు. 13 గంటల వ్యవధిలో దాదాపు 53 కిలోమీటర్ల మేర వెనకకు (రివర్స్‌ రన్నింగ్‌) పరుగెత్తారు. ట్వింకిల్‌ థాకర్‌, స్వాతి థాకర్‌ అనే ఆ ఇద్దరు మహిళలు మీడియాతో మాట్లాడుతూ, మహిళా సాధికారతపై ప్రధాని మోడీ ఇచ్చిన సందేశం తాము ఈ ప్రయత్నం చేయడానికి ప్రేరణ కలిగించిందన్నారు. ప్రతి మహిళకూ ఒక్కో అంశంలో ప్రత్యేక అంశంలో నైపుణ్యం ఉంటుందని, అటువంటి వారిని ప్రోత్సహించాల్సిన అవసరం ఉందని అన్నారు.
గాంధీ జయంతి సందర్భంగా గుజరాత్‌లోని బర్దౌలి ప్రాంతం నుంచి మంగళవారం ఈ ఇద్దరు మహిళలు వెనక పరుగు ప్రారంభించారు. 53 కిలోమీటర్ల ప్రయాణం సాగించి తరువాతి రోజు బుధవారం దండి ప్రాంతానికి చేరుకున్నారు. ఈ కార్యక్రమానికి సంబంధించిన వీడియోను వారు గిన్నీస్‌ బుక్‌ రికార్డ్స్‌ సంస్థకు పంపించారు. ఈ లక్ష్యాన్ని పూర్తి చేస్తామన్న నమ్మకం తొలుత మాలో లేదు. ఈ సమయంలో మా కుటుంబసభ్యులు ఎంతగానో ప్రోత్సహించారని ట్వింకిల్‌ థాకర్‌ పేర్కొన్నారు.