యాసిడ్ బాధితురాలు లక్ష్మీ అగర్వాల్ యదార్థ జీవితకథ ఆధారంగా బాలీవుడ్ స్టార్ హీరోయిన్ దీపికా పదుకోనే నటించిన చిత్రం “ఛపాక్”. మేఘనా గుల్జార్ తెరకెక్కించిన ఈ సినిమా ట్రైలర్ తాజాగా విడుదలైంది. ఇందులో యాసిడ్ బాధితురాలిగా దీపిక కనిపించింది. తాజాగా విడుదలైన ట్రైలర్‌పై సర్వత్రా ప్రశంసలు కురుస్తున్నాయి. బాలీవుడ్ స్టార్ హీరోయిన్ కంగనా రనౌత్ సోదరి, యాసిడ్ బాధితురాలు రంగోలీ కూడా దీపికపై, ఈ చిత్ర ట్రైలర్‌పై ప్రశంసలు కురిపించింది. “అద్భుతం.. ప్రతి ఒక్కరు చూడాల్సిన చిత్రమిది. ట్రైలర్ చాలా అద్భుతంగా వుంది. మేఘనా గుల్జార్, దీపికా పదుకోనే ఈ సినిమా ద్వారా ఎన్నో భావోద్వేగపూరిత ప్రశంసల్ని అందుకుంటారు. నాపై జరిగిన యాసిడ్ దాడి వల్ల నేను, నా కుటుంబం మరణం కన్నా ఘోరమైన బాధను అనుభవించాం. యాసిడ్ బాధితుల కథ ఈ దేశం మొత్తం తెలియాలి” అని రంగోలీ పేర్కొంది.
మరణం కన్నా ఘోరమైన బాధను అనుభవించాం… “ఛపాక్” ట్రైలర్ పై రంగోలి ప్రశంసలు
