telugu navyamedia
వార్తలు సినిమా వార్తలు

ఆర్జీవీ కొత్త వెబ్ సిరీస్… టైటిల్ ఏంటంటే…?

ప్రముఖ దర్శకుడు రామ్ గోపాల్ వర్మ ఎప్పుడూ ఏదో ఒక వివాదంతో వార్తల్లో నిలవటం సాధారణ విషయమే. ఇదివరకు సినిమాలు తీసి థియేటర్ లో విడుదల చేసిన వర్మ, లాక్ డౌన్ లో ఓ యాప్ లో రిలీజ్ చేస్తూ సొమ్ము చేసుకుంటున్నాడు. ఆ యాప్ కి ఆర్ జి వి వరల్డ్ థియేటర్ అనే పేరును పెట్టుకున్నాడు. అంతే కాకుండా ఇప్పటికే ఆ యాప్ లో కొద్దిరోజుల వ్యవధిలోనే మియా మాల్కోవాతో క్లైమాక్స్, శ్రీ రాపాకతో నగ్నం సినిమాలను తెరకెక్కించి విడుదల చేసాడు కూడా. వివాదాల దర్శకుడు రామ్ గోపాల్ వర్మ ప్రస్తుతం వరుస సినిమాలు చేస్తున్నారు.’ఇది మహాభారతం కాదు’ అనే టైటిల్ తో వెబ్ సిరీస్ ప్రకటించారు వివాదస్పద డైరెక్టర్ రామ్ గోపాల్ వర్మ. దీనికి సంబంధించిన ఆడియో పోస్టర్ ను వర్మ తన సోషల్ మీడియా ఖాతా ద్వారా పంచుకున్నారు. దీనికి రచన సిరాశ్రీ కాగా, ఆనంద్ చంద్ర దర్శకత్వం వహిస్తున్నారు. ఓవరాల్ పర్యవేక్షణ వర్మ అని ప్రత్యేకంగా చెప్పనక్కర్లేదు. మహాభారతంలోని పాత్రలను ప్రస్తావిస్తూ.. తన వాయిస్ ఓవర్‌తో రాంగోపాల్ వర్మ విడుదల చేసిన ఆడియో పోస్టర్ వీడియో ఆసక్తికరంగా ఉండటం గమనార్హం. మహాభారతంలో కనిపించే పాత్రలు ప్రపంచంలో ఎక్కడో ఒక చోట తారసపడుతుంటాయని, తెలంగాణలోని ఓ పట్టణంలోనూ అలాంటి వ్యక్తులు ఉన్నారని, దీని ఆధారంగా తాము వెబ్ సిరీస్ తెరకెక్కిస్తున్నామని వర్మ ఆ ఆడియో పోస్టర్ లో వెల్లడించారు. చూడాలి మరి ఇది ఎలా ఉంటుంది అనేది.

Related posts