వివాదాస్పద నటి రాఖీ సావంత్ తాను త్వరలోనే రియాలిటీ టీవీ స్టార్, ఇంటర్నెట్ సెలబ్రిటీ దీపక్‌ను పెళ్లాడనున్నట్టు ప్రకటించింది. ఆ తర్వాత ఏమైందో కానీ.. దీపక్‌ను తాను పెళ్లాడడం లేదని పేర్కొని సంచలనం రేపింది. తాజాగా యూకేకు చెందిన ఎన్నారై రితేశ్‌ను రహస్యంగా వివాహమాడింది. ఆమె పెళ్లిపై వచ్చిన వార్తలను తొలుత ఖండించిన రాఖీ.. ఆ తర్వాత నిజం ఒప్పుకుంది. ఎన్నారై రితేశ్‌ను పెళ్లి చేసుకున్నట్టు అంగీకరించింది. ఆమె అత్యంత సన్నిహితులకు తప్ప అతనెవరన్నది ఎవరికీ తెలియదు. ఈ విషయంలో బాలీవుడ్‌లో పెద్ద దుమారమే చెలరేగింది. అయితే ఈ సస్పెన్స్‌కు తెరదించడానికి రాఖీ సిద్ధపడింది. ఈ విషయాన్ని ఆమే స్వయంగా వెల్లడించింది. తాజాగా చేసిన ఓ ట్వీట్‌లో.. తాను తన ఎన్నారై భర్త రితేశ్‌తో కలిసి హిందీ బిగ్‌బాస్ సీజన్ 13లో పాల్గొనబోతున్నట్లు ప్రకటించింది. ఈ షో ప్రీమియర్‌ రోజున తన భర్త ఎవరన్న సస్పెన్స్‌కు తెరపడుతుందని తేల్చింది. తాజాగా మొదలైన తెలుగు బిగ్‌బాస్ సీజన్ 3లో వరుణ్-వితికా జంట కలిసి సందడి చేస్తోంది. ఇలా భార్యాభర్తలిద్దరూ కలిసి బిగ్‌బాస్‌లో పాల్గొనడం తెలుగులోనే తొలిసారి. ఇప్పుడు హిందీలో రాఖీసావంత్ జోడీ కూడా ఈ సంస్కృతికి శ్రీకారం చుట్టనుందన్నమాట.
భర్తతో కలిసి “బిగ్ బాస్” హౌజ్ లోకి హీరోయిన్…!
