అదరగొట్టేస్తున్న “లవర్స్ డే” సాంగ్

కన్నుగీటుతో కుర్రకారు మనసులను దోచుకున్న నటి ప్రియా వారియర్. ఆమె నటించిన “ఒరు ఆదార్ లవ్” అనే మలయాళ సినిమాలో హీరోను చూసి ఆమె కన్నుగీటిన తీరు… అందరి దృష్టిని ఆ సినిమా వైపుకు తిప్పింది. తెలుగులోనూ ప్రియా వారియర్ పెద్ద సంఖ్యలో అభిమానులను సంపాదించుకోగలిగింది. ఒమర్ లులూ దర్శకత్వం వహించిన ఈ సినిమాను తెలుగులోనూ విడుదల చేస్తున్నారు. “లవర్స్ డే” అనే టైటిల్ తో ఈ సినిమాను ఫిబ్రవరి 14వ తేదీన విడుదల చేయనున్నారు. గురురాజ్ .. వినోద్ రెడ్డి నిర్మించిన ఈ సినిమాకి షాన్ రెహ్మాన్ సంగీతాన్ని సమకూర్చాడు. తాజాగా ఈ సినిమా నుంచి “ఓ మైగాడ్ పోయా…” అనే పాటను విడుదల చేశారు. ఈ సాంగ్ యూత్ కు బాగా కనెక్ట్ అవుతుందనడంలో ఎలాంటి సందేహం లేదు. మీరు కూడా ఈ పాటపై ఓ లుక్కేయండి మరి.