అధరాల ఆకాశంలోంచి
చిరునవ్వుల చినుకులు కురిపించి
మనసు మైదానాన్ని తడిపిముద్దచేస్తావు
నీ కనులకొలనులో నా ప్రతిబింబానికి ప్రేమ స్నానం చేయించి
హృదయాన్ని పరవశాల పల్లకిలో ఉరేగిస్తావు
వలపుల ఊసుల శ్వాసలతో ప్రేమ మత్తులో పడివేస్తావు
నీ ప్రేమ అయస్కాంత తరంగాల ఆకర్షణకు లోనై
నా మది వలపుల తుమ్మెదై
నీ చుట్టే నిరంతరం తిరుగుతుంది
అతిలోకసుందరీ! హృదయేశ్వరీ!!
ప్రేమానుభూతుల వెన్నెల జల్లులలో
నాకు నిత్యం ‘ప్రేమవిందు”
–గద్వాల సోమన్న, ఎమ్మిగనూరు