telugu navyamedia
సినిమా వార్తలు

ప్రేమ మొగ్గలు…

karuna jupu sakhi poetry corner
నీ ప్రేమఊసులు చుట్టుముడుతున్నప్పుడల్లా
జ్ఞాపకాల వరదలో నిత్యం కొట్టుకుపోతుంటాను
ప్రేమంటే అనుభూతుల పరిమళపు సాగరం
నీ స్నేహ పరిమళాన్ని ఆస్వాదిస్తున్నప్పుడల్లా
అనుభూతి తరంగాలలో ఓలలాడుతుంటాను
ప్రేమంటే అనురాగపుతోటలో పూచిన సుగంధం
నీ తలపుల జడివానలో తడిసిపోతున్నప్పుడల్లా
వలపుల సాగరంలో అలలా ఎగసిపడుతుంటాను
ప్రేమంటే ప్రణయతోటలో విరబూసిన మల్లెతీగ
నీ విరహపు వేదనలో చిక్కుకున్నప్పుడల్లా
సాగరంలోని చేపపిల్లలా కొట్టుమిట్టాడుతుంటాను
ప్రేమంటే చేదుగుళికలా ఎడబాటు పరీక్ష 
నీ గుండెగుడిలో కొలువుతీరాలనుకున్నప్పుడల్లా
ఊహల కెరటాల్లో ఉక్కిరిబిక్కిరైపోతుంటాను
ప్రేమంటే ఆనందవిషాదాల అనురాగసంగమం
-డాక్టర్ భీంపల్లి శ్రీకాంత్

Related posts