telugu navyamedia
వార్తలు వ్యాపార వార్తలు సామాజిక

ఇండియాలో ‘అమెజాన్ ఫ్రెష్’…రెండు గంటల్లో వస్తువుల డెలివరీ!

amazon prime sale open in 15th and 16th

ప్రముఖ ఈ-కామర్స్ సంస్థ అమెజాన్ ఇప్పుడు తన ఆన్ లైన్ షాప్ ‘అమెజాన్ ఫ్రెష్’ ను కూడా భారత్ కు తీసుకువచ్చింది. మొదట బెంగళూరులో ప్రారంభం కానున్న ఈ సేవలను త్వరలోనే దేశవ్యాప్తంగా విస్తరించనున్నారు. తాజా కూరగాయలు, ఫలాలు, పాలు, పాల ఉత్పత్తులు, మాంసం, ఐస్ క్రీములు, ఎండబెట్టిన ఆహార పదార్థాలను ‘అమెజాన్ ఫ్రెష్’ ద్వారా రెండు గంటల్లోనే డెలివరీ చేసేలా అమెజాన్ ఏర్పాట్లు చేస్తోంది.

వాల్ మార్ట్ గూటికి చేరిన ఫ్లిప్ కార్ట్ కూడా ఆన్ లైన్ లో నిత్యావసరాల అమ్మకాలపై దృష్టి సారిస్తున్న నేపథ్యంలో అమెజాన్ ఈ నిర్ణయం తీసుకున్నట్టు అర్థమవుతోంది. ‘అమెజాన్ ఫ్రెష్’ ఆన్ లైన్ దుకాణం 2007లో సియాటిల్ లో ప్రారంభమైంది. ‘అమెజాన్ ఫ్రెష్’ ద్వారా సేవలు అందుకోవాలంటే అమెజాన్ భారత వెబ్ సైట్ నుంచి గానీ, యాప్ నుంచి గానీ ఆర్డర్ చేయాల్సి ఉంటుంది. ‘అమెజాన్ ఫ్రెష్’ ద్వారా 5,000 రకాల తాజా కూరగాయలు, పండ్లు, ఇతర ఉత్పత్తులు ఎంపిక చేసుకోవచ్చని అమెజాన్ వర్గాలు చెబుతున్నాయి.

Related posts