నీ శ్రీరమణీయ భావ ఝరిలో…
పండు వెన్నెల పున్నమి లాహిరిలో…
గోముగా సంధించే
నీ ఆల్చిప్పల కనుపాపల్లో…
ప్రీతి పరవశమైన
నా మది లోగిలి పొదరిల్లులో…
హరిణివే – తరుణివే…
అనుబంధాల అనురక్తివే…
సిగ్గుల మొగ్గవై – హర్షానురక్తి వై
నాకోసం ప్రభవించిన ఈవు
నీ కోసం జనియించిన ఏను
నా గాదిలి ప్రియంవదా!
నాలో ప్రేమ రాగారవిందా!
ఎన్నెన్ని పుట్టుకల అనుబంధమో…
సృష్టి ప్రదాత మనపై చూపే కనికరమో…
ఓ సుదతీ!
నా మనోభావాలు నెరిగి
మసలే అభిమతీ!
నీ నగవుల వెన్నెల కిరణాలు…
నా జీవన వేదంలో ప్రేమాభరణాలు…
నీ సఖ్యం – నీ సాంగత్యం…
నాలో కవికి ప్రణయ భాష్యం…
-మహేంద్రాడ సింహాచలాచార్య,
టెక్కలి