telugu navyamedia
ట్రెండింగ్ రాజకీయ వార్తలు

మణిపూర్‌ కు .. ఐఎల్‌పీ వర్తింపు.. రాష్ట్రపతి ఉత్తర్వులు .. పౌరసత్వ బిల్లు నుండి తప్పించుకున్నట్టే..

nrc not applicable to manipur

మణిపూర్‌కూ ఇన్నర్‌ లైన్‌ పర్మిట్‌ (ఐఎల్‌పీ)ను వర్తింపజేస్తూ రాష్ట్రపతి రామ్‌నాథ్‌ కోవింద్‌ బుధవారం ఉత్తర్వులు జారీ చేశారు. పౌరసత్వ చట్ట సవరణలను ఐఎల్‌పీ పరిధిలోని రాష్ట్రాలకు వర్తింపజేయబోమని కేంద్రం హామీ ఇచ్చిన సంగతి తెలిసిందే. ఈ నేపథ్యంలో మణిపూర్‌ వాసులు ఈ బిల్లుపై ఆందోళన వ్యక్తంచేశారు. లోక్‌సభలో ఈ బిల్లుపై చర్చ సందర్భంగా మణిపూర్‌ను కూడా ఐఎల్‌పీ పరిధిలోకి తీసుకొస్తున్నట్లు హోంమంత్రి అమిత్‌ షా ప్రకటించారు. ఈ మేరకు బుధవారం హోంశాఖ నోటిఫికేషన్‌ వెలువరించగా.. రాష్ట్రపతి ఉత్తర్వులు వెలువరించారు.

ఐఎల్‌పీ పరిధిలో ప్రస్తుతం అరుణాచల్‌ ప్రదేశ్‌, నాగాలాండ్‌, మిజోరాం రాష్ట్రాలు ఉన్నాయి. తాజాగా ఈ జాబితాలో మణిపూర్‌ కూడా చేరింది. ఐఎల్‌పీ పరిధిలో ఉన్న రాష్ట్రాల్లో ఇతరులు ఎవరైనా (ఇతర రాష్ట్రాల వారు సైతం) పర్యటించాలంటే అనుమతి తప్పనిసరి. బెంగాల్‌ తూర్పు సరిహద్దు నిబంధనలు-1873 ప్రకారం ఇన్నర్‌ లైన్‌ పర్మిట్‌ ఆయా రాష్ట్రాలకు వర్తింపజేశారు.

Related posts