telugu navyamedia
ట్రెండింగ్ సినిమా వార్తలు

నితిన్ కు కాబోయే భార్య ఈమేనట… పిక్ వైరల్

Nithin

యంగ్ హీరో నితిన్ ప్రస్తుతం వెంకీ కుడుములు దర్శకత్వంలో తెరకెక్కుతున్న ‘భీష్మ’ సినిమాలో నటిస్తున్నాడు. రష్మిక మందన్న నటిస్తున్న ఈ సినిమా ఫిబ్రవరిలో ప్రేక్షకుల ముందుకు రానుంది. జయం సినిమాతో ఇండస్ట్రీకి వచ్చిన నితిన్‌. టాలీవుడ్‌లో మోస్ట్‌ ఎలిజబుల్‌ బ్యాచిలర్‌గా ఉన్నాడు. ఇటీవలే నితిన్‌కు పెళ్లి ఫిక్స్‌ అయినట్లు ప్రకటించాడు. ఏప్రిల్‌ 16న శాలిని అనే అమ్మాయితో నితిన్‌ ఏడడుగులు వేయబోతున్నట్లు తెలుస్తుంది. ఈ క్రమంలోనే ఫిబ్రవరి 15వ తేదీన నితిన్ నిశ్చితార్ధం జరగబోతుందట హైదరాబాద్‌లో. యూకేలో ఎంబీఏ చేసిన శాలినిని నితిన్‌ నాలుగేళ్లుగా ప్రేమిస్తున్నాడట. వీరి ప్రేమ విషయాన్ని ఇరు కుటుంబ సభ్యులకు చెప్పి పెళ్లికి ఒప్పించారట. ఇప్పటికే పెళ్లి పనులను కూడా ప్రారంభించినట్లు చెబుతున్నారు. పెళ్లి పనులన్నీ యువ నిర్మాత, నితిన్ సోదరి నిఖిత దగ్గరుండి చూసుకుంటుందట. ఈ మ్యారేజ్ డెస్టినేషన్ మ్యారేజ్‌గా కుటుంబ సభ్యులు చేయనున్నట్లు సమాచారం. దుబాయ్‌లోని ప్యాలసో వెర్సేస్‌ హోటల్‌లో వైభవంగా వీరి వివాహం జరగనున్నట్లు తెలుస్తోంది. అనంతరం హైదరాబాద్‌లో సన్నిహితులకు గ్రాండ్‌గా రిసెప్షన్‌ ఇవ్వనున్నాడట. తాజాగా షాలినికి సంబంధించిన ఫోటో ఒక‌టి బ‌య‌ట‌కి వ‌చ్చింది. నితిన్ పెళ్ళాడే అమ్మాయి ఈమే అంటూ నెటిజ‌న్స్ సోష‌ల్ మీడియాలో ఫోటోని తెగ షేర్ చేస్తున్నారు. నితిన్ క్లారిటీ ఇస్తేనే త‌ప్ప ఇందులో నిజ‌మెంత ఉంద‌నేది క్లారిటీ రాదు.

Related posts